DOU-Ensikliek-Ecclesia de Eucharistia.vp - Die Oratorium

35
beteken dit dat dié Sakrament ons voortdurend tot bekering oproep en tot
‘n persoonlike antwoord op die vermaning van die Apostel Paulus aan die
Christene van Korinte: ‘Ons bid julle om Christus wil: Laat julle met God
versoen’ (2 Kor. 5:20). As die gewete van ‘n Christen met ‘n ernstige sonde
belas is, word die weg van boete deur die Sakrament van Versoening
noodsaaklik vir ‘n volledige deelname aan die Eucharistiese Offer. Die
betrokke persoon moet uiteraard self ‘n oordeel fel oor sy of haar staat
van genade. Hierdie saak berus op ‘n mens se eie gewetensondersoek.
Nietemin kan die Kerk, waar dit oor opsigtelike en openbare gedrag gaan
wat op ernstige en hardnekkige wyse ingaan teen die sedelike norme, soos
voorgehou deur die Kerk, uit eerbied vir dié Sakrament, ‘n persoon wat
aan hierdie gedrag skuldig is, die ontvangs van Heilige Kommunie verbied.
Die Wetboek van Kanonieke Reg verwys na so ‘n situasie waar daar duidelik
by die betrokke persoon ‘n totale gebrek aan ‘n gepaste sedelike
ingesteldheid bestaan en verklaar dat so ‘n persoon ‘wat halstarrig en in die
openbaar volhard in ‘n ernstige sonde’ nie toegelaat mag word tot die
‘Eucharistiese Kommunie’ nie. 76
38. Soos ek alreeds gemeld het is die Kerklike eenheid/kommunie iets wat
sigbaar is. Die eenheid word uitgedruk in die volgende bande wat deur
dieselfde Konsilie onderrig word: ‘Diegene wat ten volle ingelyf is in die
Kerklike gemeenskap is in besit van die Gees van Christus en aanvaar die hele
sigbare organisasie en al die ingestelde heilsmiddele van dié organisasie wat
deur Christus gevestig is en deur sy Opperherder en Biskoppe bestuur word.
So ‘n ingelyfde persoon aanvaar die gemeenskaplike bande van die één
geloofsbelydenis, die sakramente, Kerklike bestuur en gemeenskap wat
onlosmaaklik met mekaar verbind is en deel uitmaak van Christus se Kerk op
aarde.’ 77 Aangesien die Eucharistie die hoogste sakramentele manifestasie
van die gemeenskap/kommunie van die Kerk is moet dit gevier word in ‘n
konteks van eerbied vir die uitwendige gemeenskapsbande. Op ‘n heel
besondere wyse is die Eucharistie ‘die hoogtepunt van die geestelike lewe en
die doel van al die sakramente’. 78 Vandaar die vereiste dat die
76 CIC, Kan. 915; CCEO, Kan. 712.
77 Lumen gentium, 14.
78 St. Thomas van Aquino, Summa Theologiae, III, q. 73, a. 3c.