DOU-Ensikliek-Ecclesia de Eucharistia.vp - Die Oratorium

17
plek te maak. 33 Hier aan die begin van die nuwe millenium wil ek dit meer
as ooit beklemtoon dat Christene hul pligte as burgers van die aarde
getrou moet nakom. Dit is hul opdrag om met die lig van die Evangelie by
te dra tot opbou van ‘n wêreld waar die mens in volkome harmonie met die
plan van God leef. Daar is baie probleme wat die horison van ons tyd
verdonker. Dink maar net aan die dringende behoefte om vrede te
bewerkstellig, om die verhouding tussen volke stewig op die grondslag van
geregtigheid en solidariteit te plaas, om die menslike lewe vanaf sy
ontvangenis in die moederskoot tot aan sy natuurlike einde te verdedig. En
wat moet ‘n mens dink van die duisende ongerymdhede van ‘n
‘globaliserende’ wêreld, waarin die swakstes, die kleinstes en die armstes
skynbaar min het om voor te hoop? Dit is juis in hierdie wêreld waar die lig
van Chritelike hoop moet skyn! Ook daarom wil die Here in die Eucharistie
by ons bly – sy aanwesigheid deur dié maaltyd en offer gee ons die
belofte van ‘n mensheid wat deur sy liefde hernuwe word. Daar waar die
Sinoptiese Evangelies verslag doen van die instelling van die Eucharistie,
bied St. Johannes se Evangelie die verhaal van die ‘voetwassing’: hierdeur
bring dié Evangelis die diepste betekenis uit van die Eucharistie - Jesus wat
ons leer wat gemeenskap en diensbaarheid eintlik van ons verg (vgl. Joh.
13:1-20).
Die Heilige Apostel Paulus noem van sy kant die deelname van die
Christelike gemeenskap aan die maaltyd van die Here ‘onwaardig’,
wanneer daar verdeeldheid bestaan en die gemeenskap onverskillig
staan teenoor die armes (vgl. 1Kor. 11:17-22. 27-34). 34 Die verkondiging
33 vgl. Tweede Vatikaanse Konsilie, Pastorale Konstitusie oor die Kerk
in die wêreld, Gaudium et spes, 39.
34 ‘Wil u die Liggaam van die Here eer? Verag Hom nie wanneer Hy
naak is nie. Eer Hom nie hier in die heligdom met systowwe, net
om Hom te verag daar waar Hy koud kry en gebrek het aan klere
nie. Hy wat gesê het: ‘Dit is my liggaam’, is dieselfde Een wat
gesê het: ‘Julle het my honger gesien en niks te ete gegee nie’, en
‘Wat julle aan die geringste van my broers gedoen het, het julle
ook aan My gedoen’…Wat baat dit, wanneer die Eucharistiese
tafel ryk belaai is met goue voorwerpe, terwyl Hy honger ly?
Begin deur die hongeres te versadig en versier dan die altaar
met dit wat oorbly.’
St. Johannes Chrysostomus, Homilie oor die Evangelie van Matteus,