DOU-Ensikliek-Ecclesia de Eucharistia.vp - Die Oratorium

More documents

Recommendations

Info

49 H OOFSTUK SES IN DIE SKOOL VAN MARIA, DIE VROU VAN DIE EUCHARISTIE 53. Wanneer ons die intieme verhouding, wat die Kerk met die Eucharistie verbind, in sy volle rykdom wil herontdek, kan ons nie Maria, Moeder en model van die Kerk, vergeet nie. In my Apostoliese Brief Rosarium Virginis Mariae het ek na die Heilige Maagd verwys as ons Lerares by ons kontemplasie van die gelaat van Christus. Onder die Ligryke Geheimenisse van die Rosekransgebed het ek die instelling van die Eucharistie ingesluit. 102 Maria kan ons na hierdie Allerheiligste Sakrament lei omdat sy ‘n diep verhouding daarmee het. Dit mag met die eerste oogopslag lyk asof hierdie tema nie in die Evangelie teruggevind kan word nie. In die verslag oor die instelling van die Eucharistie op die aand van Witte Donderdag word Maria nêrens vermeld nie. Tog weet ons dat sy by die apostels wie wat ‘één van hart’ (vgl. Hand. 1:14) gebid het in daardie eerste Christen gemeenskap wat ná die Hemelvaart in afwagting op Pinkster bymekaar gekom het. Maria moes sekerlik aanwesig gewees het by die Eucharistie vieringe van die eerste generasie Christene, wie trou was aan die ‘breking van die brood (Hand. 2:42). Naas haar deelname aan die Eucharistiese maaltyd kan die verhoudig van Maria tot die Eucharistie wel indirek afgelei word uit haar innerlike houding. Met haar hele lewe is Maria ‘n vrou van die Eucharistie. Die Kerk, wat na Maria opsien as haar oerbeeld (unieke model), word daartoe geroep om haar in haar verhouding tot hierdie Heiligste Geheimenis na te volg. 54. Mysterium fidei’ Die Eucharistie is ‘n Geheimenis van die geloof, iets wat ons begrip te bowe gaan, en iets wat ons slegs kan leer verstaan deur ons totale oorgawe aan die woord van God. Wie beter as Maria om ons 102 vgl. Rosarium Virginis Mariae, 21.
50 hierin by te staan? Wanneer ons Christus se handeling by die Laaste Avondmaal herhaal gehoorsaam ons sy opdrag: ‘Doen dit tot my gedagtenis’ (Luk. 22:19). Terselfdertyd aanvaar ons ook die uitnodiging van Maria om Hom sonder aarseling te gehoorsaam: ‘Net wat Hy vir julle sê, moet julle doen’ (Joh. 2:5). Met dieselfde moederlike sorg, wat sy by die huwelik van Kana openbaar het, sê Maria as’t ware ook vir ons: ‘Aarsel nie, vertrou op die woorde van my Seun. As Hy in staat was om water in wyn te verander, kan Hy ook uit brood en wyn sy Liggaam en Bloed maak, en deur hierdie Geheimenis aan ons gelowiges die lewende gedagtenis van sy Pase skenk, om so vir ons die ‘Brood van die Lewe’ te word.’ 55. In ‘n sekere sin het Maria haar Eucharistiese geloof reeds voor die instelling daarvan beleef en dit deur die feit dat sy haar maagdelike skoot vir die Menswording van die Woord van God aangebied het. Terwyl die Eucharistie vooruitwys na die Lyding en Opstanding van Christus staan die Eucharistie ook in kontinuïteit met die Menswording. Maria ontvang by die Aankondiging die Seun van God in die liggaamlike werklikheid van sy Liggaam en Bloed. Op hierdie wyse antisipeer sy in ‘n sekere sin dit wat sakramenteel met elke gelowige gebeur, wanneer ons onder die tekens/gedaantes van brood en wyn die Liggaam en Bloed van die Here ontvang. Gevolglik is daar ‘n diep ooreenkoms tussen Maria se Fiat (…laat dit met my gebeur…) op die engel se boodskap en die Amen (dit is so) wat elke gelowige uitspreek wanneer hy of sy die Liggaam van die Here ontvang. Maria is gevra om te glo dat Hy, wat sy ontvang het ‘deur die werking van die Heilige Gees die Seun van God’ is (vgl. Luk. 1:30-35). In kontinuïteit met die geloof van die Maagd word ons in die Eucharistiese Geheimenis gevra om te glo dat Jesus Christus, die Seun van God en die Seun van Maria, met sy hele goddelike en menslike wese, teenwoordig is onder die tekens van brood en wyn. ‘Salig is sy wat geglo het…’ (Luk. 1:45): in die Geheimenis van die Menswording loop Maria ons vooruit in die Eucharistiese geloof van die Kerk. By haar besoek aan Elisabet het sy die Vleesgeworde Woord in haar skoot gedra en was sy in ‘n sekere sin ‘n ‘tabernakel’ – die eerste ‘tabernakel’ in die geskiedenis – waarin die Seun van God, nog onsigbaar vir die oë van die mense, Hom laat aanbid het deur Elisabet. Christus se lig is toe ‘uitgestraal’ deur die oë en stem van Maria. Die ekstase van Maria se gesig toe sy vir die eerste keer die pasgebore Jesus aanskou het en
Page 1:
DIE ORATORIUM UITGEWERY KERK DOKUME
Page 5: Eerste Afrikaanse Uitgawe November
Page 8 and 9: INLEIDING 1 1. Die Kerk leef van di
Page 10 and 11: 3 wat Hy maar kort tevore in die Sa
Page 12 and 13: 5 van Christus in die Eucharistie;
Page 14 and 15: 7 November 1947) 6 van Pius XII, en
Page 16 and 17: HOOFSTUK EEN 9 DIE GEHEIMENIS VAN D
Page 18 and 19: 11 gemeente wat dit deur die hande
Page 20 and 21: 13 15. Hierdie opnuut sakramentele
Page 22 and 23: 15 Vuur en Gees...Neem daarvan, eet
Page 24 and 25: 17 plek te maak. 33 Hier aan die be
Page 26 and 27: 19 HOOFSTUK TWEE DIE EUCHARISTIE BO
Page 28 and 29: 21 van die Kruisoffer in die Euchar
Page 30 and 31: 23 kommunie. 46 Dit is die taak van
Page 32 and 33: 25 HOOFSTUK DRIE DIE APOSTOLISITEIT
Page 34 and 35: 27 persoon van Christus die Euchari
Page 36 and 37: 29 biskoppe en priesters toevertrou
Page 38 and 39: 31 gedagte hou: ‘geen enkele Chri
Page 40 and 41: 33 die praktyk van ‘geestelike ko
Page 42 and 43: 35 beteken dit dat dié Sakrament o
Page 44 and 45: 37 gelowiges’, 82 is eenheid/geme
Page 46 and 47: 39 tot ekumeniese aktiwiteite. Ons
Page 48 and 49: 41 dit aan die sigbare bande van Ke
Page 50 and 51: 43 HOOFSTUK VYF DIE WAARDIGHEID VAN
Page 52 and 53: 45 vier, te onderstreep en te bekle
Page 54 and 55: 47 aan individue nie, maar aan hele
Page 58 and 59: 51 waarmee sy Hom in haar arms vasg
Page 60 and 61: 53 S LOT 59. Ave, verum corpis natu
Page 62 and 63: 55 teenwoordigheid kan ons in die d
Page 64: D · O · U ISBN 1-919962-12 -3 DIE
show all

DOU-Ensikliek-Ecclesia de Eucharistia.vp - Die Oratorium

Create successful ePaper yourself

Delete template?

Save as template?