DOU-Ensikliek-Ecclesia de Eucharistia.vp - Die Oratorium

21
van die Kruisoffer in die Eucharistie en uit die gemeenskap met die
Liggaam en die Bloed van Christus die noodsaaklike geestelike krag om
haar sending te vervul. So vorm die Eucharistie beide die bron en die
hoogtepunt van die hele evangelisasie sending van die Kerk: Die doel van
die Kerk is die gemeenskap van die mensdom met Christus en deur Hom met
die Vader en die Heilige Gees. 41
23. Deur die Eucharistiese kommunie word die Kerk terselfdertyd gesterk
in haar eenheid as die Liggaam van Christus. St. Paulus verwys na die
verenigende krag van ons deelname aan die Eucharistiese maaltyd
wanneer hy aan die Korintiërs skryf: ‘Die brood wat ons breek, is dit nie die
gemeenskap met die liggaam van Christus nie? Omdat dit een brood is, is ons
almal een liggaam, want ons het almal deel aan die een brood’ (1 Kor.
10:16-17). St. Johannes Chrysostomus se kommentaar hierop is presies en
diepsinnig: ‘Wat is hierdie brood dan? Dit is die liggaam van Christus. Wat
word hulle wat dit ontvang? Die liggaam van Christus: nie verskillende
liggame nie, maar één enkele liggaam. Dit is inderdaad so dat net soos die
brood heeltemaal één is, alhoewel dit uit verskillende graankorrels saamgestel
is, wat nie vir die blote oog sigbaar is nie, net so word ons onderling verenig om
almal saam in Christus één liggaam te vorm.’ 42 Dié argument is oortuigend:
Ons vereniging met Christus is ‘n geskenk en ‘n genadegawe vir elkeen van
ons en dit maak dit vir ons moontlik om in Hom te deel in die eenheid van sy
liggaam wat die Kerk is. Die Eucharistie versterk diegene wat opgeneem is
in Christus – daardie opname begin by ons doop wanneer ons die gawe
van die Gees ontvang (vgl. 1 Kor. 12:13.27).
Die Seun en die Heilige Gees tree saam en onskeidbaar op – in hierdie
gesamentlike handeling lê die oorsprong van die Kerk, sowel as die Kerk se
voortdurende bestaan, en dit word alles voltrek in die Eucharistie. Hierdie
manier van dink was heel helder vir die outeur van die Liturgie van die
41 vgl. Presbyterorum ordinis, 5. Dieselfde dekreet verklaar in nr. 6:
‘Geen enkele Christelike gemeenskap kan egter opgebou word as
dié gemeenskap nie sy oorsprong en middelpunt het in die viering
van die Heilige Eucharistie nie.’
42 Homilies oor die Eerste Brief aan die Korintiërs, 24: 2 in PG 61,
200; vgl. Didaché, IX:4 in F.X. Funk. 1:22; SCH 248:177; St.
Cyprianus, Briewe LXIII, 13 in: PL 4:384.