DOU-Ensikliek-Ecclesia de Eucharistia.vp - Die Oratorium

19
HOOFSTUK TWEE
DIE EUCHARISTIE BOU DIE KERK OP
21. Die Tweede Vatikaanse Konsilie herinner ons daaraan dat die
Eucharistie die middelpunt van die groeiproses van die Kerk is. Ná die
uitspraak: ‘Die Kerk, wat die Ryk van Christus nou reeds op misterieuse wyse
teenwoordig maak, groei in hierdie wêreld deur die krag van God op sigbare
wyse’, 35 voeg die Konsilie – net asof die Konsilievaders ‘n antwoord wil
gee op die vraag: ‘Hoe groei die Kerk? ’ – toe: ‘Elke keer wanneer ons die
kruisoffer op die altaar vier, waardeur ‘ons paaslam, Christus, geslag is’ (1 Kor.
5:7), word die werk van ons verlossing voltrek. Terselfdertyd word daar deur
die Sakrament van die Eucharistiese Brood ‘n éénwording van die gelowiges,
wat in Christus één liggaam vorm (vgl. 1 Kor. 10:17), uitgebeeld en
bewerkstellig.’ 36
‘n Oorsaaklike invloed van die Eucharistie is juis reg aan die begin van die
Kerk se bestaan aanwesig. Die Evangelieskrywers beskryf uitdruklik dat
dit die Twaalf Apostels was, wat saam met Jesus die Laaste Avondmaal
genuttig het (vgl. Matt. 26:20; Mark. 14:17; Luk. 22:14). Hierdie is ‘n
belangrike detail, want dit was die Apostels ‘wat die saad van die nuwe
Israel en tegelyk die oorsprong van die Kerk se heilige hiërargie is’. 37 Deur
hulle sy Ligaam en sy Bloed as voedsel te gee, betrek Christus hulle op
geheimnisvolle wyse by dié offer wat slegs enkele ure daarna op Golgota
volbring sou word. Hierdeur vind daar ‘n aansluiting plaas by die Verbond
35 Dogmatiese Konstitusie oor die Kerk, Lumen gentium, 3.
36 Ibid.
37 Tweede Vatikaanse Konsilie, Dekreet oor die sending aktiwiteit
van die Kerk, Ad gentes divinitus, 5.