Klik hier voor het boek in PDF formaat

[16 mei 1590]
128
Mercurij 16 maij
Wonszdach den 16 en maij sint die acht hopluijden upt raedthuijs gevordert, dwelcke
ick boevengeschrevene meninge des hern statholders gecommuniceert, mits oeck die
anslach up Nimwegen, hoer vermaenende guede toeversicht te willen draegen ende
is dit alles gescheet in presentie der hern leutenant ende hoevetmannen.
Naedat die hopluyden gedimittirt, heft ein erb. Raedt mit gedachten hern leutenant
ende hoevetmannen gecommuniceert upt stuck van der confiscatie ende insonderheit
wegen Reint Alberda kinderen. Under anderm gelesen het octroij Zijnder Matt, mits
pondererende den inholt vant dispositiff 1 desselven, ende pro conclusione
geresolveert dattet in hoerluyden macht neet en zij iemant der neet catholijck, zijne
guederen te laeten volgen.
Nae desem hebben die hern van dem Raedt samtlijck gaen versichtigen die veste
ende rondeel bij de Ebbingepoerte omme tselve te verbeteren ende in meerder
verseekerheit te stellen.
Nae dem middach mit dem hern borgermeister Wifrinck bij den heere statholder
gewest ende heft Zijn Gen. uns tselve voergeholden wat ick ’s morgens im Raedt
angegeven hadde.
[84v] [17 mei 1590]
Jovis 17 a maij
Donderdach den 17 maij bin ick van dem hern statholder gevordert ende gecoemen
zijnde, heft Zijn Gen. mij angesecht dat die ruyteren, soe nae Vrieslant up den
antocht, in aller ijle gerevociert zijn, neet wetende die oirsaecke. Item, dat up die
Betaw der vijant noch wal mit vijffduisent man starck bijsamen, jedoch wuste noch
geen bescheidt wat wech hij het hoeft beeden wurde. Daromme were neet noedich
dat die heren den borgeren enige extraordinari last van arbeit upleeden mit
bolwercken ofte graven.
Tselve hebbe ick dem erb. Raedt weder ingebracht.
Nae den middach zijn die rotmeisteren up Damster- ende het Schuytendeep tsamen
up den raethuys ingefordert ende hoer wederomme voergeholden, dat eins erb.
Raedts meninge zij, het affgeteeckene werck upt Schuijtendeep te laeten volfuehren.
Hadden tot dien eijnde die cedulen bisz tot negentijn toe alhijr tegenwoerdich,
dieselve mochten zij bij loete empfangen; solden sich daeromme guetwillich
maecken als gehoirsame undersaeten behoirden. Ein erb. Raedt were geneicht hoer
egen walvaert ende besten te suecken, oeck up die armuet upsicht te draegen, sulcks
dat soe iemant die macht neet hadde ende in een huijrkaemer woende, solde die
eygenaer daervan een deel van de kosten des gravens draegen. Die rotmeisteren
maeckeden sich effenswal unwillich, seggende, sie dursten die cedulen neet
annehmen. Sulx dat een erb. Raedt veroersaeckt, duer haeren duerwaerder Willem
Amsinck het lot te tasten ende einen iegelijken rotmeister zijn sedel te
oeverantwoerden, wie geschiet.
1 ‘De formulering van het besluit’.