Klik hier voor het boek in PDF formaat

communicatie geholden, begerende dat mijn heren hijr het oege up wolden slaen
ende denselven ofte andere, soe enige meer aldaer gewest, voer sich vorderen oeck
alsoe dese saecke voerholden, dat sie verstunden quaelijck ende tegens hoer
magistrat gedaen te hebben.
[23 mei 1590]
132
Mercurij den 23 maij
Wonsdach den 23 maij bin ick omtrent acht uhren van den her statholder int hoff
gevordert omtrent acht uhren voer den middach ende heft Zijn Gen. mij angemeldet
ontfangen te hebben breven van dem magistrat toe Zutphen, Nimwegen daerinne zij
Zijn Gen. hulp versocht, seggende dat zij belegert zouden worden, mij vertoenende
dieselve breven, dwelcke ick bald hijrnae dem erb. Raedt gecommuniceert.
Umtrent 9 uhren sint Luijtien Vrese, Haijo Stapels ende Jebbe Frerix elx nae den
andern in den Raedt ingeeijsschet ende hemluyden gevraecht ofte zij toe
Tammingeborch bij den vijant gewest weren, wat hoer warvinge ende warom zij
sollichs buyten consent des Raedes gedaen. Elx van hoerluyden heft geantwoert
tselve neet uuth enige quade meininge geschiet te zijn, dan hadden sauvegarde
versocht etc. Hemluyden is ingesecht dat solchs neet behoirt hadde buyten consent
des Raedes.
Ick hebbe dem erb. Raedt desen voermiddage oeck angemeldet dat Zijn Gen.
van meninge twe viendel Duitschen uuth Farmsum binnen Selwert te leggen; item
dat Zijn Gen. toevreden up Winsumerzijl ende tot Underendam volck te leggen,
maer dat men aldaer een weinich muste schantzen. Tselve hebbe ick den hern
leutenant ende hoevetmannen oeck angemeldet, ende van denselven begeert an de
huysluyden sollichs uuth toe schrijven, twelck zij guetwillich, dan begeerden dat
Zijn Gen. daerinne emants wolde ordineren die dasz werck regierde.
[87] [24 mei 1590]
Jovis 24 maij
Donderdach den 24 maij hebbe ick uuth bevell des hern statholders eim erb. Raedt
twe cedulen uuth Nimwegen, noepende haere belegeringe, gecommuniceert.
Desen voermiddage is oeck besloeten dat dem patri van der Societeet het
begijnehuys neffens het hoff, gehoirende tot het Fraterhuys, upgeruymt solde
worden ende is mij bevoelen dem patri vicario an toe seggen dat Zijn Erw. dat huys
wolden doen upruymen.
[25 mei 1590]
Veneris 25 a maij
Vrijdach den 25 maij bin ick mit dem prelat van Selwart tot den heere statholder
gegaen, ende van Zijn Gen. begeert het neuwes angecoemen chrijchsvolck in
Selwart in solliche ordnung te holden datter geen huysen meer affgebroecken
worden gelijck alberait geschiet. Sijn Gen. hebben beloeft daerinne te willen versien,
sachten oeck tot den prelat vorsz. dat Zijn Erw. niet in ungueden wolden verstaen
dat het volck aldaer gelecht, wente het wasz tot het gemeene beste.
Affgegaen zijnde heft Zijn Gen. mij weder gefordert ende angesecht dat grave
Willem van Nassou mit een guede hoep ruytern weder in den antocht up Vrieslant,