Klik hier voor het boek in PDF formaat

Int undersalet gecoemen, heft Zijn Gen. weder gerepetiert dattet neet behoirt hadde
in zijn affwesent einem hopman den eedt toe staeven, sonderlinge daer hij in der Stat
jegenwoerdich, dan behoirde coniunctim gescheen te zijn; neettemin were tevreden
dat men hem den eedt alhijr repeteerde, bevelende dem commissaris Ballen tselve te
doene. Dwelcke hem, hopman, den eedt gestaevet mit naevolgende woerden:
‘Ir loeven und sweren dem aller durchluchttichsten, groszmechtichsten fursten
und hern, hern Philips, koening toe Hispanien, als hertoch van Brabant ende
grave van Hollant ende Erffheere der Stat ende Omlanden van Gronningen,
unsen allergen[ed]ichsten hern, ende, an stat derselven, Zijner Matt stathalter
ende veltoversten, leutenant ende hoevetmannen, borgermeistern ende raedt mit
den verordenten, als den hern van Stat ende Landen, trow und holdt te zijne, als
een getrou uprecht hopman te dienen, de forteresse Delffzijll ende andere
starckten die u bevoelen möchten worden getrouwlijck tot dienste Zijnder Matt
ende Stat ende Lande bisz tot den uutersten druppe bloedes te bewaeren, oeck
dieselve in niemants handen dan van Stat ende Lande tot dienste Zijnder Matt
oever te geven ende u sonsten reguleren als een getrouw ende uprecht hopman
nae dem artickelsbrieff, den gij ende alle u underhebbende knechten reede
geswoeren, dat u Godt soe helpe ende alle zijne hilligen.’
Sijn Gen. is oeck angesecht dat men voerhebbens weere nu voirts een veendrich te
keesen; waerup geantwoert, hij were idt vredich ende solden daer toe seen dat men
eenen erweelde die dienst konde doen.
[119] Koemende de vorn. heren weder up den raethuyse ende van tgene gedaen
rapporteert hebbende, heft men voertgefaehren tot die electie eines faendrichs, int
welcke men den voet genoemen heeft gelijck mit dem hopman gescheen was,
nemblich per vota. Sulx dat nae verlesinge der vota Sixtus Aldringa tot een
veendrich erwelet.
Nae beschener erwelinge is mij bevoelen Zijn Gen. toe vermelden dat Aldringa
bij den samtlichen heren erwelet zij ende begeren aggreatie desselven. Tselve
doende sachte Zijn Gen. hij were es tevreden, dan die heren solden hem voceren
ende doen hem een guede vermaeninge daermit men neet veroersaecket gelijck het
hem nu mit gemeen consente gegeven alsoe oeck mit gemeen consent weder te
nehmen.
Dit by den hern gerapportiert, is Aldringa im Rath gevordert ende hem dese
meninge mit een vermaeninge tot getrouwicheit ende neersticheit voergeholden, die
sich erboeden mit Goedes hulpe alsoe te dienen, darmit geene clachten van hem
quemen, dan dat die hern guet contentement an hem solden hebben.
Nae dem middach hebbe ick gemelten Aldringa voer den heere statholder gefuehrt;
derselve hem oeck een guede vermaeninge gedaen dat hij sich wel solde draegen,
hem pro conclusione seggende dat hij insonderheit sich voer den drunck solde
wachten ende sonsten also dienen darmit men oersaecke hadden hem wyders te
avanceren.
189