Klik hier voor het boek in PDF formaat

Oeck is den keller 1 van Essen ingesecht dat men tot walvaert dusser Stat enige
schuyten voll soeden wel van doen hadde, die men in zijn lant gedechte te steecken;
begerende hij wölle die guede hant daeran holden darmit sollichs up bequame
plaetze, daer sollichs geschehen konde, mochte ten effecte koemen.
Oeck is bij den Raedt besloten dat men den brieff des vijants in presentie van den
geswoernen int vuijr solde werpen ende dat ten respecte darmit der vijant sijn
couraige mochte verliesen ende geen hoepe hebben van enige alteratie te koenen
maecken. Welckeer resolutie mij bevoelen dem here statholder in toe seggen.
Oeck hebbe ick rapport gedaen van tgene ick mit patre Samerio uuth bevel des
Raedts gesproecken; daerup neet anders geresolviert dan dat men die samtlijcke hern
leutenant ende hoevetmannen mit den Olden Raedt oeck tselve solde anseggen.
[91v] Nae den middach hebbe ik uuth bevel des Raets den heeren statholder
angesproecken belangende die schantze te maecken toe Underendam ende heft Zijn
Gen. bevoelen alsnoch te supersederen, neettemin dat men aldaer emants solde
senden omme te visiteren die plaetze ende het deep.
Dit hebbe ick im Raedt gerapportiert der sollichs oeck voer guet ingeseen.
[9 juni 1590]
140
Sabbathi 9 junij
Saeterdach den 9 junij ’s morgens vroe, umtrent 5 uhren, heft der her statholder mij
gevordert ende bevoelen mit den priester van Veerhuysen desen voermiddage ein
ende toe maecken ende hem weder in den Soltcamp schicken omme aldaer an toe
seggen tgene hem bejegent.
Heft mij glijckfals bevoelen die schuppen ende spaeden te willen bevorderen;
item dat die artillerie mochte gereet ende veerdich zijn. Deses hebbe ick bij den
artillerijemeister Gisbert Arents alsbald verrichtet ende hem bevoelen alles te
verveerdigen.
Umtrent 10 uhren sint die heren leutenant ende hoevetmannen mit die van den Olden
Raedt bij den erb. Raedt begeert te koemen, alwaer ick rapport gedaen van tgene
pater Henricus Samerius mij toe antwoert gegeven; stellende—nae verlesung des
brieffs ofte zeduls, so gemelter pater an den Raedt duer mij gesunden—tot discretie
van den samtlijcken hern, wat wijders dem patri toe antwoerden.
Up dese materie is bij den heren int lange gecommuniceert ende bij den
samtlichen heren neet anders voergewendet, dan dat die hern alle tot dit werck wel
guetwillich, allein solde men trachten umb einicheit under die gemeente te holden;
item dat die arme klercken neet verstott ende denselven van het noetwendich
underholt neet gefrustriert wurden. Andersdeels, dat men Sijne Matts toern up sick
neet laedede, ten respecte men reede van dese saecke soevoel ende mennichmael
geschreven.
In summa, nae lange communicatie is nichts besonders geresolviert, dan men
heft wal gevraecht—went dan die guederen des Fraterhuyses (darvan die meeste
questie) neffens die guedern van Appingedam gestelt wurden in handen eins
redelijchen borgers, daertoe gecommittiert van den Raedt, die alles in naeme der
Societeijt ontfinge ende eerst afftoege tgene tot underholdinge vant Clercke
1 Kellenaar (‘econoom’) van het klooster te Essen, even ten noordoosten van Haren.