Afrikaans - Department of Basic Education

AFRIKAANS EERSTE ADDISIONELE TAAL GRAAD 1-3
AFDELiNG 2: iNLEiDiNG TOT TALE
2.1 Inleiding
in die Grondslagfase is die belangrikste vaardighede in die kurrikulum vir Eerste Addisionele Taal die volgende:
Luister en praat
Lees en klanke
Skryf en handskrif
Dink en Redeneer en Taalstruktuur en -gebruik is in al vier die taalvaardighede
(luister, praat, lees en skryfwerk) geïntegreer.
Die inhoud (kennis, begrippe en vaardighede) van die Nasionale Kurrikulumverklaring (NKV) is in die Kurrikulumen
Assesseringsbeleidsverklaring (KAByvoorbeeld) per kwartaal herrangskik onder bogenoemde opskrifte. Die
KAByvoorbeeld voorsien aan onderwysers die volgende:
• ‘n inleiding wat riglyne bevat oor die gebruik van die Grondslagfase-dokument;
• inhoud, begrippe en vaardighede wat aangeleer moet word per kwartaal;
• riglyne ten opsigte van tydstoekenning;
• vereistes vir formele assesseringsaktiwiteite en voorstelle vir informele assessering; en
• lyste van voorgestelde hulpmiddels per graad.
2.2 Toegevoegde tweetaligheid
Leerders wat skool toe kom, ken hul huistaal. hulle kan dit vlot praat en ken reeds duisende woorde. mondelinge
taal vorm dus die basis vir die aanleer van lees- en skryfvaardighede in Graad 1; daarom is dit makliker om in die
huistaal te leer lees en skryf.
Wanneer kinders ‘n addisionele taal in Graad 1 aanleer, moet dit op ‘n sterk mondelinge grondslag gebou word. Hulle
behoort baie en eenvoudige Afrikaans te hoor wat in konteks verstaan kan word. Deur na die onderwyser te luister
terwyl hy of sy stories uit groot, geïllustreerde boeke voorlees, is 'n goeie manier om die taal in konteks te hoor,
aangesien dit die leerder se ontluikende geletterdheid ondersteun. Soos wat die kind se begrip verbeter, moet daar
talle geleenthede geskep word waar hulle die taal op eenvoudige maniere kan praat. Dit dien weer as grondslag vir
die aanleer van lees en skryf in Graad 2 en 3.
Kinders kan baie geletterdheidsvaardighede van die huistaal af oordra. As leerders se skryfvaardighede goed in
die huistaal aangeleer is, kan hulle hierdie vaardighede by die skryf van Afrikaans gebruik. indien klanke goed in
die huistaal aangeleer is, hoef die letter-klank-verhouding nie weer in Afrikaans herhaal te word nie. hulle kan die
aangeleerde klankkennis in Afrikaans toepas, en dan hoef slegs die klanke wat van die huistaal verskil, aangeleer
te word.
Die Eerste Addisionele Taal van die KAByvoorbeeld benut die leerders se geletterdheidsvaardighede wat in
die huistaal opgebou is. Aktiwiteite soos groepbegeleide lees wat in Graad 1 huistaal aangebied word, word in
Eerste Addisionele Taal, Graad 2 bekendgestel. Dit staan as “toegevoegde tweetaligheid” bekend - om 'n sterk
geletterdheidsgrondslag in huistaal te lê en dan die Eerste Addisionele Taal daarop te bou.
8 KURRIKULUM- EN ASSESSERINGSBELEIDSVERKLARING (KABV)