Afrikaans - Department of Basic Education

KABV
LUISTER EN PRAAT (MONDELING)
INHOUD / BEGRIPPE / VAARDIGHEDE
Week 1 - 5
AFRIKAANS EERSTE ADDISIONELE TAAL GRAAD 1-3
GRAAD 2: KWARTAAL 3
VOORGESTELDE KONTAKTYD
minimum tyd: 45 minute per week
maksimum tyd: 1 uur per week
Onderwysers behoort twee temas te kies wat hulle in staat sal stel om woordeskat bekend te stel, te gebruik en al die
onderstaande aktiwiteite te dek. Let daarop dat die voorgestelde temas / onderwerpe slegs voorstelle is. Onderwysers kan
hul eie temas kies. Dit sal van die konteks en beskikbare hulpmiddels afhang. hulle moet seker maak dat hulle die nodige
Grootboeke / plakkate, rympies, liedjies, speletjies en voorwerpe beskikbaar het vir die tema wat hulle gekies het.
Onderwysers moet probeer om soveel moontlik aktiwiteite gedurende die beskikbare tyd te dek (meer as een keer). Leerders
moet geassesseer word deur van die eerste formele assesseringsaktiwiteit gebruik te maak wat vir week 1 - 5 aanbeveel is.
Week 6 - 10
Onderwysers kies twee nuwe temas wat hulle sal toelaat om voort te bou op dit wat hulle die eerste vyf weke gedoen
het. Nuwe woordeskat kan nou weer ingevoer word, en aangeleerde woordeskat moet vasgelê word. Die temas moet
onderwysers deurgaans toelaat om eenvoudige, basiese taalstrukture in te skerp, terwyl daar met die leerders in die
addisionele taal gekommunikeer word.
Onderwysers moet seker maak dat al die aktiwiteite, indien moontlik, meer as eenkeer gedek word. Leerders moet
geassesseer word deur gebruik te maak van die tweede formele assesseringsaktiwiteite teen die einde van die kwartaal.
Daaglikse aktiwiteite (30 minute per week)
Onderwysers kan een lang aktiwiteit, of twee of drie kortes doen.
• Gaan voort om ‘n mondelinge (luister en praat) woordeskat te ontwikkel deur van onderwerpe en temas, byvoorbeeld
Sport, gebruik te maak.
• Volg ‘n kort reeks instruksies, byvoorbeeld: Neem die kryt en skryf jou naam op die bord. Gebruik nou die uitveër om die
bord skoon te maak.
• Gee eenvoudige instruksies, byvoorbeeld: Skop die bal.
• Verstaan en reageer op eenvoudige vrae, byvoorbeeld: Wie? Wie s’n? Van watter sportsoorte hou jy baie? Rugby, sokker,
krieket?
• Maak eenvoudige versoeke en beweringe, byvoorbeeld: Kan ek buitetoe gaan, ek wil speel, asseblief?
• Gee ‘n beskrywing en kies die toepaslike prent vir die beskrywing, byvoorbeeld: Die seun skop die bal.
• Praat oor ‘n voorwerp in ‘n prent en reageer op die onderwyser se instruksies, byvoorbeeld: Wat sien jy? Vertel vir my
meer van wat jy sien.
• Luister na ‘n eenvoudige vertelling, byvoorbeeld na die onderwyser wat van ‘n sokkerwedstryd vertel.
• Onderwyser help leerders wanneer hulle van ‘n wedstryd vertel waarna hulle gekyk het.
• Memoriseer eenvoudige gediggies, aksiesrympies en liedjies, en dra dit voor, byvoorbeeld: Die wiele van die bus draai om
en om …
• Speel taalspeletjies buite die klaskamer, byvoorbeeld: Simon sê: Stap vinnig / stadig, kyk links / regs / voor jou / agter jou.
55