Afrikaans - Department of Basic Education

KABV
LEES EN KLANKE
INHOUD / BEGRIPPE / VAARDIGHEDE
AFRIKAANS EERSTE ADDISIONELE TAAL GRAAD 1-3
GRAAD 1: KWARTAAL 1
Klanke / klankbewustheidsaktiwiteite (1 - 5 minute per aktiwiteit)
VOORGESTELDE KONTAKTYD
minimum tyd: 30 minute
maksimum tyd: 1 uur 15 minute per week
Hierdie aktiwiteit moet baie vlugtig gedoen word en met luister en praat en gedeelde leesaktiwiteite geïntegreer word.
• Breek mondelinge sinne in woorde op deur op elke woord te klap, byvoorbeeld sinne uit die storie.
• Identifiseer met behulp van die onderwyser woorde wat in stories, liedjies en rympies rym, byvoorbeeld: My twee ogies kan
sien. My twee handjies kan dien.
• Identifiseer verskillende beginklanke in woorde, byvoorbeeld: h in hoed, s in sak.
Ontluikende / Vormende lees (5 - 10 minute een of twee keer per kwartaal)
Daar moet ‘n permanente uitstalling in die klaskamer van plakkate en ander verpakkingsmedia wees wat in die mark
en omgewing beskikbaar is. Indien daar op uitstappies gegaan word, moet die onderwyser die leerders van gedrukte
teks uit die omgewing bewus maak.
• Herken algemene woorde uit die alledaagse omgewing, byvoorbeeld oop / toe, in / uit.
• Ontwikkel ontluikende lees, byvoorbeeld die konsep van teks deur die gedeelde leesaktiwiteite.
Gedeelde lees (minimum 30 minute en maksimum 1 uur en 15 minute per week)
As die onderwyser die maksimum tyd vir Eerste Addisionele Taal gebruik, moet sy / hy ‘n groot boek of plakkaat (of
enige ander vorm van vergrote teks) elke week bekendstel en elke dag die aktiwiteit doen. As die onderwyser die
minimum tyd vir Eerste Addisionele Taal gebruik, moet sy / hy dieselfde teks oor 2 tot 3 weke versprei en die aktiwiteit
een of twee maal per week doen. Die onderwyser lees die teks vir die hele klas, wys na die woorde en bespreek die
prente en die storielyn. Sy lees dit weer gedurende die week en moedig die leerders aan om mee te doen. Die teks
word gebruik om nuwe woordeskat bekend te stel.
• Luister na, volg die storie of niefiksie-teks en kyk saam met die onderwyser na die prente.
• Praat oor die prente en gebruik die huistaal waar nodig.
• Identifiseer voorwerpe in die storie. (Wys vir my die ou man. Wys na die hond.)
• Beantwoord eenvoudige vrae met behulp van die prente. (Waar is die hoed?)
• Leer mondelinge woordeskat aan, byvoorbeeld hoed, oud, man, wind.
• Na herhaalde lees, neem op gepaste tye aan refreine deel, byvoorbeeld: Sjj, sjj waai die wind.
• Dramatiseer die stories deur gedeeltes van die teks te gebruik.
• Teken ‘n prent wat die hoofgedagte van die storie weergee.
27