Afrikaans - Department of Basic Education

KABV
LUISTER EN PRAAT (MONDELING)
INHOUD / KONSEPTE / VAARDIGHEDE
Week 1 - 5
AFRIKAANS EERSTE ADDISIONELE TAAL GRAAD 1-3
GRAAD 3: KWARTAAL 2
VOORGESTELDE KONTAKTYD
1 uur per week
Onderwysers kies twee temas wat hulle in staat sal stel om woordeskat uit te brei en in te skerp, asook om die aktiwiteite
wat onder gelys, te dek. Let daarop dat die voorgestelde temas slegs voorstelle is. Onderwysers kan hul eie temas kies,
afhangend van inhoud en beskikbare hulpmiddels. hulle moet seker maak dat hulle die nodige Grootboeke, muurprente,
rympies, liedjies, speletjies en voorwerpe het vir die tema wat hulle gekies het. Onderwysers moet soveel moontlik aktiwiteite
gedurende die beskikbare tyd dek.
Om leerders te assesseer, maak die onderwyser van die informele assesseringsaktiwiteite gebruik wat vir week 1 - 5
voorgestel is.
Week 6 - 10
Onderwysers kies twee nuwe temas wat hulle in staat sal stel om voort te bou op dit wat hulle die eerste vyf weke gedoen
het. Die temas kan nou weer herhaal word en aangeleerde woordeskat moet ingeskerp word. Die temas moet die
onderwyser deurgaans in staat stel om eenvoudige, basiese taalstrukture te gebruik, terwyl daar met die leerders in Eerste
Addisionele Taal gekommunikeer word.
Onderwysers moet seker maak dat al die aktiwiteite, indien moontlik, meer as een keer gedek word. Leerders moet
geassesseer word deur van die informele assesseringsaktiwiteite gebruik te maak wat vir week 6 - 10 voorgestel is. ‘n
Formele assesseringsaktiwiteit moet aan die einde van die kwartaal gedoen word.
Daaglikse aktiwiteite (30 minute per week)
Die aktiwiteite varieer in lengte. Die onderwyser kan een maal per week een lang aktiwiteit, of twee of drie kortes doen.
• Ontwikkel woordeskat deur van onderwerpe en temas, soos Dinge wat groei, gebruik te maak.
• Volg instruksies, byvoorbeeld: Plaas grond in die pot. Plaas die saad in die grond. Maak die saad met ‘n bietjie grond toe.
Gooi water op die saad.
• Gee eenvoudige instruksies, byvoorbeeld: Maak die saad met water nat.
• Verstaan en reageer op eenvoudige vrae soos: Wanneer? Waarom? Wat? Wat dink jy sal die saad word wanneer dit
groei?
• Stel vrae om duidelikheid te kry, byvoorbeeld: Ek verstaan nie. Herhaal dit asseblief.
• Stel versoeke en reageer daarop, byvoorbeeld: Mag ek asseblief die woordeboek gebruik?
• Neem aan ‘n kort gesprek oor ‘n bekende onderwerp deel, byvoorbeeld: My vriende en wat ons graag doen.
• Identifiseer ‘n voorwerp deur eenvoudige mondelinge beskrywing, byvoorbeeld: Ek is klein en hard. As jy my in die grond
sit en water gee, groei ek. Wat is ek?
• Praat oor ‘n voorwerp op prente of in foto’s en reageer op die onderwyser se instruksies, byvoorbeeld: Wat sien jy op die
foto? Vertel vir my meer van wat jy sien.
• Luister na ‘n eenvoudige vertelling, byvoorbeeld die onderwyser wat vertel hoe ‘n plant groei: Ek plaas grond in die pot.
Dan plant ek die saad in die grond. Daarna maak ek dit nat. Nou neem ek waar hoe my plant groei.
• Lewer ‘n eenvoudige vertelling, byvoorbeeld die leerder vertel hoe hy / sy saad geplant het.
71