REPUBLIKA E SHQIPËRISË Studimi Demografik dhe ... - INSTAT

sterilizimit femëror (60 përqind), pilulës (61 përqind), apo injeksioneve (57 përqind). Nga ana tjetër,
përdoruesit e injeksionve (74 përqind) kanë më shumë gjasa që të jenë vënë në dijeni për metoda të
tjera se sa përdoruesit e metodave të tjera (61deri në 67 përqind). Ekzistojnë dallime në zgjedhjet e
informuara sipas burimit fillestar të metodës, ku përdoruesit e burimeve publike janë më të informuar
se sa përdoruesit e burimeve private lidhur me efektet anësore apo problemet shëndetësore të metodës
së tyre, lidhur me çfarë duhet të bëjnë nëse përjetonin efekte anësore dhe lidhur me metoda të tjera që
mund të përdornin.
5.12 NDËRPRERJA E METODËS KONTRACEPTIVE
Një shqetësim serioz për menaxherët e programeve të
planifikimit familjar është mosvazhdimi (ndërprerja) i metodave
nga përdoruesit. Në seksionin e kalendarit të pyetësorit të ADHS
2008-09, u regjistruan të gjitha segementet e përdorimit të
kontraceptivëve midis janarit 2003 dhe datës së intervistës.
Nivelet e ndërprerjes së metodës kontraceptive vitin e parë
bazuar mbi informacionin e kalendarit janë paraqitur në Tabelën
5.13. 2
Rezultatet tregojnë se 27 përqind e përdoruesve të
planifikimit familjar në Shqipëri ndërpresin përdorimin e një
metode kontraceptive brenda 12 muajsh nga fillimi i përdorimit.
Nivelet e mosvazhdimit janë të larta për përdoruesit e pilulës (32
përqind), por më të ulëta për përdoruesit e tërheqjes (19
përqind).
ADHS 2008-09 nuk mblodhi informacion mbi arsyet e
mosvazhdimit (ndërprerjes) – çka mund të kishte ndihmuar
shpjegimin e niveleve të larta të mosvazhdimit dhe do të kishte lejuar përllogaritjen e niveleve të
dështimit – por pyetjet mbi qëllimin për të përdorur kontracepsion në të ardhmen dhe arsyet për
mospërdorimin e kontraceptivëve japin informacion shpjegues mbi këto çështje.
5.13 PLANI PËR TË PËRDORUR KONTRACEPSIONIN NGA MOSPËRDORUESIT
Tabela 5.13 Nivelet e ndërprerjes së
metodës kontraceptive në vitin e parë
Femrat e moshës 15-49 vjeç që filluan një
episod të përdorimit të kontraceptivëve në
pesë vitet e fundit, përqindja e episodeve
të pavazhduara (ndërprera) brenda 12
muajsh pas fillimit të përdorimit të
metodës, sipas metodës së përdorur,
Shqipëria 2008-09
Metoda Total
Pilula 42.8
Prezervativi mashkullor 31.7
Tërheqja 18.8
Të gjitha metodat 26.9
Numri i episodeve të
përdorimit 2,778
Shënim: Tabela bazohet mbi episode të
përdorimit të kontraceptivëve që filluan
nga janari 2003. Nivelet kanë vlerë për
periudhën 3-62 muaj përpara studimit.
Një tregues i rëndësishëm i kërkesës në ndryshim për planifikim familjar është deri në ç’masë
jopërdoruesit e kontracepsionit kanë ndërmend ta përdorin planifikimin familjar në të ardhmen.
Femrat që aktualisht nuk përdornin një metodë kontracepsioni u pyetën mbi synimin e tyre për të
përdorur planifikimin familjar në të ardhmen. Rezultatet paraqiten në Tabelën 5.14.
Mes jopërdoruesve aktualisht të martuar, afërsisht një në pesë (19 përqind) synojnë ta
përdorin planifikimin familjar në të ardhmen, 69 përqind nuk kanë në plan të përdorin kontracepsion
në të ardhmen, dhe 12 përqind nuk janë të sigurt. Përqindja e femrave të martuara që kanë ndërmend
të përdorin një metodë kontraceptive në të ardhmen ulet me rritjen e numrit të fëmijëve të tyre që
jetojnë dhe përqindja e atyre që thonë se nuk kanë në plan ta përdorin në të ardhmen është më e larta
mes atyre me tri a më shumë fëmijë. Ky model bie ndesh me pritshmëritë dhe është i pranishëm
kryesisht sepse jopërdoruesit me më shumë fëmijë kanë edhe më shumë gjasa të jenë më të mëdhenj
në moshë dhe jofertilë (shih Seksionin 5.14).
2 Nivelet e ndërprerjes të paraqitura këtu përfshijnë vetëm ato segmente të përdorimit të kontraceptivëve që
filluan që nga janari 2003. Nivelet kanë vlerë për periudhën 3-62 muaj përpara studimit; ekspozimi gjatë muajit
të intervistës dhe dy muajt përpara janë përjashtuar për të shmangur ndikimet që mund të jenë shfaqur nga
shtatzëni të panjohura. Këto nivele përmbledhëse të ndërprerjes përfaqësojnë përqindjen e përdoruesve që
ndërpresin një metodë brenda 12 muajsh nga fillimi i përdorimit. Nivelet llogariten duke pjesëtuar numrin e
femrave që ndërpresin një metodë me numrin e ekspozuar gjatë asaj periudhe. Nivelet e muajve më pas
mblidhen për të prodhuar një nivel njëvjeçar.
Planifikimi Familjar | 81