REPUBLIKA E SHQIPËRISË Studimi Demografik dhe ... - INSTAT

160 | Të Ushqyerit
Figura 11.2 Praktikat e Ushqyerjes së Foshnjeve sipas Moshës
100 Përqind
80
60
40
20
0
0-1 2-3 4-5 6-7 8-9 10-11 12-13 14-15 16-17 18-19 20-21 22-23
Mosha në muaj
11.1.3 Kohëzgjatja dhe Shpeshtësia e Ushqyerjes me Gji
Nuk ushqehen me gji
Ushqime plotësuese
Qumësht tjetër
Lëngje jo qumësht/lëng
Vetëm ujë i pastër
Ushqyer ekskluzivisht me gji
ADHS 2008-09
Si kohëzgjatja ashtu edhe shpeshtësia e ushqyerjes me gji mund të ndikojnë në zgjatjen e
mungesës së menstruacioneve pas lindjes. Është e rëndësishme për shëndetin e fëmijës që ushqehet
me qumësht gjiri që ushqyerja me gji të vazhdojë për dy vite të tjera sepse qumështi i gjirit ofron sasi
të dobishme energjie, proteinash me cilësi të mirë dhe mikroushqyes të rëndësishëm. Tabela 11.3
tregon kohëzgjatjen mediane të ushqyerjes me gji për fëmijët e fundit të lindur në tre vitet përpara
studimit sipas karakteristikave të përzgjedhura. Përllogaritjet e kohëzgjatjes mediane të ushqyerjes me
gji janë bazuar mbi informacionin për statusin aktual, pra, fëmijët që ishin duke u ushqyer me gji në
kohën e studimit. Informacioni mbi statusin aktual zakonisht është më i saktë se sa informacioni i
bazuar mbi kujtesën e nënës. Kohëzgjatja mediane i ushqyerjes me gji – për sado kohë – është 15
muaj; kohëzgjatja mediane e ushqyerjes ekskluzive me gji është dy muaj; dhe kohëzgjatja mediane e
ushqyerjes mbizotëruese me gji (ushqyerje me gji plus vetëm ujë të pastër dhe/ose lëngje jo qumësht)
është katër muaj. Kohëzgjatja e ushqyerjes me gji është më e shkurtër në zonat urbane se sa në zonat
rurale dhe bie me rritjen e nivelit arsimor të nënës dhe rritjen e indeksit të pasurisë.
Tabela 11.3 tregon që pothuajse të gjithë fëmijët ushqyer me gji nën gjashtë muaj
ushqeheshin gjashtë ose më shumë herë gjatë ditës dhe natës përpara studimit. Numri mesatar i
vakteve gjatë ditës varion nga 5.3 në 7.4 dhe numri mesatar i vakteve gjatë natës varion nga 5.0 në
6.4.