REPUBLIKA E SHQIPËRISË Studimi Demografik dhe ... - INSTAT

Femrave dhe meshkujve me arsim 8-vjeçar apo më të ulët ka më shumë gjasa që t’iu kërkohet
të paguajnë, si dhe të mos marrin faturë për pagesën (24 përqind e femrave dhe 27 përqind e
meshkujve me arsim 8-vjeçar) në krahasim me 9 përqind e femrave dhe 6 përqind e meshkujve me
arsim të lartë.
Në ADHS 2008-09, të intervistuarit që kishin vizituar një qendër shëndetësore (përfshirë edhe
qendrat private) gjatë 12 muajve të fundit, u pyetën nëse kishin paguar për kujdesin mjekësor (duke
përfshirë edhe medikamentet apo kujdesin dentar), të cilin mund ta kishin marrë falas nga sistemi
shëndetësor shtetëror, dhe nëse po, sa shpesh. Shtatë në dhjetë femra dhe meshkuj (72 përqind dhe 68
përqind, përkatësisht) deklaruan se kanë paguar për kujdesin mjekësor që u takonte falas (Tabela
13.15). Nëntëmbëdhjetë përqind e femrave dhe 12 përqind e meshkujve deklaruan se paguanin
gjithmonë për kujdesin mjekësor që mund të merrnin falas, dhe 25 përqind e femrave dhe 23 përqind
e meshkujve deklaruan se paguanin shpesh. Njëzet e gjashtë përqind e femrave dhe 30 përqind e
meshkujve deklaruan se nuk paguajnë asnjëherë për kujdesin mjekësor që u takon falas. Rezultatet
nxjerrin në pah vetëm një diferencë të vogël midis karakteristikave të mjedisit nga vijnë. Megjithatë,
19 përqind e femrave që jetojnë në Tiranën Urbane nuk paguajnë asnjëherë në krahasim me 25 - 32
përqind të femrave në rajonet e tjera. Midis meshkujve, ndodh e kundërta: 50 përqind e meshkujve në
Tiranën Urbane nuk paguajnë asnjëherë për kujdesin mjekësor në krahasim me 25 - 35 përqind të
meshkujve në rajonet e tjera.
246 | Shëndeti i të Rriturve