REPUBLIKA E SHQIPËRISË Studimi Demografik dhe ... - INSTAT

Lëndimet e paqëllimshme janë përgjegjëse për 43 vdekje për 100 000 banorë në vit, një shifër
shumë më e lartë se sa nivelet e raportuara në vendet e Europës Perëndimore. Në Shqipëri, lëndimet nga
aksidentet rrugore shkaktojnë 12 vdekje për 100,000 banorë në vit.
Sëmundjet respiratore shkaktojnë 6 përqind të të gjitha vdekjeve, ose 47 vdekje për 100,000
banorë. Vetëm duhanpirja është përgjegjëse për 22 përqind të barrës së sëmundjes.
Konsumi i alkoolit shkakton 6 përqind të barrës së sëmundjes, obeziteti shkakton një 10
përqindësh të përllogaritur dhe mungesa e aktivitetit fizik shkakton 5 përqind të barrës së sëmundjes
(Ministria e Shëndetësisë e Shqipërisë, 2009; Instituti i Shëndetit Publik, 2004).
1.4.4 Shërbimet Spitalore
Në Shqipëri, niveli i dytë i kujdesit shëndetësor ofrohet nga spitalet. Në vend, ka mbi dyzetë
spitale publike, përfshi 22 Spitale Rrethesh, 11 Spitale Rajonale, 4 Spitale Universitare, 1 Qendër
Universitare të Traumave, 2 Spitale Psikiatrike, dhe 1 Qendër Kombëtare për Zhvillimin dhe Rritjen e
Fëmijëve.
Me mbështetje të vazhdueshme si nga qeveria ashtu edhe nga donatorët, infrastruktura e
spitaleve dhe pajisjeve apo mjeteve mjekësore janë përmirësuar dukshëm gjatë viteve të fundit. Është e
detyrueshme që spitalet të përdorin protokolle të standartizuara trajtimi, të cilat jo vetëm sigurojnë
cilësinë e shërbimeve, por edhe përdorimin efikas të burimeve financiare. MSh është në procesin e
miratimit të një Ligji për ‘Financimin e Kujdesit Shëndetësor Spitalor Ofruar në Spitalet Publike nga
Skema e Detyrueshme e Sigurimeve Shëndetësore.’ Duke i konsideruar spitalet një përparësi, MSh do të
vazhdojë të financojë Spitalet Psikiatrike, Shërbimin Kombëtar të Transfuzionit të Gjakut, Qendrën e
Shërbimeve të Riparimit Elektro-mjekësor, si dhe Njësinë e Urgjencës së Transportit me Helikopter nga
buxheti qeveritar (Ministria e Shëndetësisë e Shqipërisë, 2009; Ministria e Shëndetësisë e Shqipërisë,
2002; Ministria e Shëndetësisë e Shqipërisë, 2004).
1.4.5 Shërbimet Farmaceutike
Shërbimet farmaceutike në Shqipëri janë kryesisht private. Disa prej elementëve më thelbësore
të këtij rrjeti shërbimesh janë: 3 prodhues vendas private; 216 depo farmaceutike, 1 020 farmaci
individuale, 210 agjenci private farmaceutike dhe 42 farmaci spitalore, të cilat janë të vetmet
institucione farmaceutike publike. Synimi kryesor i shërbimeve farmaceutike është përdorimi me
racionalitet, efektshmëri dhe siguri i një numri të madh barnash cilësore në dispozicion dhe të ofrojnë
barna jo vetëm të sigurta dhe të një cilësie të lartë, por edhe të përballueshme në kosto nga popullsia.
Megjithëse shërbimet farmaceutike janë kryesisht private, ato monitorohen rreptësisht nga MSh dhe
Qendra Kombëtare për Kontrollin e Barnave. Aktualisht, ka një numër të madh barnash të regjistruara
në Shqipëri (3,400 medikamente) dhe numri ka qenë në rritje të qëndrueshme.
Këshilli i Ministrave ngriti dy komisione brenda strukturës së MSh për të mbuluar shërbimet
farmaceutike:
• Komisioni i Barnave për Hartimin dhe Rishikimin e Listës së Rimbursimeve. Një herë në
vit, ky komision përzgjedh barnat që do të rimbursohen nga Instituti i Sigurimeve
Shëndetësore.
• Komisioni i Çmimeve të Barnave. Një herë në vit, ky komision miraton koston maksimale,
siguracionin dhe çmimet e transportit , siguracionin, dhe çmimet e transportit të barnave të
importuara dhe të prodhuara në vend.
MSh dhe institucione të tjera përgjegjëse bashkëpunojnë ngushtë me agjenci të ndryshme
europiane të barnave për të siguruar përputhjen e Legjislacionit Farmaceutik Shqiptar, me udhëzimet
Hyrje | 7