REPUBLIKA E SHQIPËRISË Studimi Demografik dhe ... - INSTAT

Të rinjtë dhe të rejat e moshës 15-24 vjeç ka më pak të ngjarë sesa ata të një moshe më të
rritur që të flasin më lirshëm me partnerin/partneren për seks më të sigurt. Sidoqoftë, sa më i arsimuar
të jetë i intervistuari, aq më shumë ka gjasa që të thotë se gruaja mund të refuzojë që të bëjë seks ose
të propozojë përdorimin e prezervativit. Femrat dhe meshkujt që jetojnë në zonat urbane (93 dhe 91
përqind përkatësisht) ka më shumë të ngjarë sesa ata që jetojnë në zonat rurale (85 dhe 87 përqind,
përkatësisht) që të mbështesin të drejtat e femrave për të diskutuar rreth këtyre çështjeve. Femrat dhe
meshkujt e pamartuar asnjëherë, që kanë bërë seks, ka më shumë të ngjarë që të mbështesin të drejtat
e femrave për të diskutuar sesa ata që nuk kanë bërë seks asnjëherë. Qëndrimet mbështetëse ndaj të
drejtave të femrave për të diskutuar rreth këtyre çështjeve janë më të përhapura në qytetin e Tiranës
(95 përqind e femrave dhe 91 përqind e meshkujve) dhe kjo rritet si në varësi të rritjes së nivelit
arsimor ashtu edhe të nivelit material. Për shembull, 97 përqind e femrave dhe e meshkujve me arsim
universitar ose më të lartë mbështesin të drejtat e femrave për të hyrë në bisedime, krahasuar me 67
përqind të femrave dhe 61 përqind të meshkujve pa arsim ose me arsim fillor 4-vjeçar. Po kështu,
qëndrimet mbështetëse rriten nga 80 përqind e femrave dhe 84 përqind e meshkujve të kuintilitit më të
ulët të pasurisë në përkatësisht 95 përqind e femrave dhe 92 përqind e meshkujve në kuintilin më të
lartë të pasurisë.
12.7 MBËSHTETJA E TË RRITURVE PËR EDUKIMIN NË LIDHJE ME PËRDORIMIN E PREZERVATIVIT
PËR TË PARANDALUAR AIDS
ADHS 2008-09 i pyeti të intervistuarit e moshës 18 vjeç e lart nëse ata i ndihmonin fëmijët e
moshës 12-14 vjeç për të mësuar përdorimin e prezervativit me qëllim shmangien e HIV/AIDS.
Tabela 12.7 tregon se 61 përqind e femrave dhe 57 përqind e meshkujve janë dakord që fëmijëve të
moshës 12-14 vjeç t’iu mësohet përdorimi i prezervativit për shmangien e AIDS.
Ndihmesa e të rriturve në edukimin për përdorimin e prezervativit mund ta parandalojë AIDS
sipas tipareve të përzgjedhura. Kjo është e ngjashme për meshkujt dhe femrat, por variacionet janë më
të mëdha ndër femrat. Mbështetja ndër të rejat dhe të rinjtë e moshës 18-24 vjeç (67 dhe 64 përqind,
përkatësisht) është më e madhe sesa mbështetja ndër femrat dhe meshkujt më të rritur në moshë 40-49
vjeç (57 dhe 52 përqind, përkatësisht). Femrat dhe meshkujt pa arsim ose me arsim fillor 4-vjeçar (27
dhe 35 përqind, përkatësisht) ka më pak të ngjarë që të mbështesin edukimin për përdorimin e
prezervativit sesa meshkujt dhe femrat me arsim universitar ose më të lartë (89 dhe 73 përqind,
përkatësisht). Ndryshimet sipas kuintilit të pasurisë variojnë nga 41 dhe 42 përqind, përkatësisht, për
kuintilin më të ulët dhe 84 dhe 69 përqind, përkatësisht, për kuintilin më të lartë të pasurisë.
196 | Njohuritë, Qëndrimet dhe Sjellja në Lidhje me HIV/AIDS