REPUBLIKA E SHQIPËRISË Studimi Demografik dhe ... - INSTAT

përhershëm të familjeve ose vizitorë që gjendeshin në familje natën përpara studimit, u kualifikuan
për intervistim.
1.5.2 Pyetësorët
Për ADHS 2008-09 u përdorën tre pyetësorë: Pyetësori i Familjes, Pyetësori i Femrave, dhe
Pyetësori i Meshkujve. Përmbajtja e këtyre pyetsorëve u bazua në pyetësorë model të ndërtuar nga
programi MEASURE DHS.
Konsultimet me partnerët u zhvilluan në Tiranë për të vjelë ndihmesën e ekstepertëve të
ndryshëm kombëtarë dhe ndërkombëtarë për një gamë të gjerë çështjesh. Bazuar mbi këto konsultime,
pyetësorët e modelit DHS u modifikuan për të pasqyruar çështjet përkatëse në Shqipëri lidhur me
popullsinë, shëndetin e gruas dhe fëmijës, planifikimin familjar dhe çështje të tjera të shëndetit. Pas
miratimit të përmbajtjes përfundimtare nga Komiteti Drejtues dhe ai Teknik, pyetësorët u përkthyen
nga anglishtja në shqip.
Pyetësori i Familjes u përdor për të radhitur të gjithë anëtarët e përhershëm dhe vizitorët në
familjet e përzgjedhura dhe për të identifikuar femrat dhe meshkujt që kualifikoheshin për intervistën
individuale. U mblodh informacion bazë mbi karakteristikat e secilit person në listë, përfshi moshën e
tyre, seksin, arsimin dhe marredhënien me kryefamiljarin. Gjithashtu, u përpilua edhe një listë e
veçantë dhe u mblodh informacion bazë lidhur me anëtarë të mëparshëm të familjeve që kishin
emigruar jashtë vendit. Pyetësori i Familjes grumbulloi gjithashtu informacion lidhur me
karakteristikat e njësisë së banimit të familjes, të tilla si burimi i ujit, lloji i tualetit, materialet e
përdorura për dyshemenë dhe çatinë e shtëpisë, si dhe pronësia e mallrave të ndryshme të
qëndrueshme. U përfshi një modul për të vjelë informacion mbi metodat e përdorura në familje për të
disiplinuar fëmijët; informacioni u mblodh lidhur me një fëmijë të përzgjedhur në intervalin e moshës
2-14 vjeç. Së fundi, në Pyetësorin e Familjes u regjistruan edhe matjet e gjatësisë dhe peshës,
rezultatet e matjeve të hemoglobinës për femrat dhe meshkujt e moshës 15-49 vjeç që pranuan të
kryenin matjet, si dhe fëmijët e moshës 6 deri 59 muaj. Procedurat për analizën e hemoglobinës
përshkruhen me hollësi në seksionin tjetër.
Pyetësori i Femrave u përdor për të grumbulluar informacion nga të gjitha femrat e moshës
15-49 vjeç. Këtyre femrave iu drejtuan pyetje mbi temat e mëposhtme:
• Karakteristika historike (arsimi, historia e vendbanimit, ekspozimi ndaj medias, etj.);
• Historia riprodhuese;
• Njohuritë dhe përdorimi i metodave të planifikimit familjar;
• Preferencat e lindshmërisë;
• Kujdesi para lindjes dhe gjatë lindjes;
• Praktikat e të ushqyerit me gji dhe ushqimit të foshnjeve;
• Vaksinimet dhe sëmundjet e fëmijërisë;
• Martesa dhe aktiviteti seksual;
• Puna e gruas dhe karakteristikat historike të bashkëshortit;
• Praktikat e të ushqyerit të foshnjes dhe fëmijës;
• Vdekshmëria foshnjore; dhe
• Ndërgjegjësimi dhe sjellja mbi AIDS-n dhe infektime të tjera seksualisht të
transmetueshme (STI).
Pyetësori i Femrave kishte një numër të rëndësishëm shtesash, që nuk janë të pranishme në
pyetësorin e modelit standart të Studimit Demografik dhe Shëndetësor. Së pari, rezultatet e tensionit
të gjakut u morën për të gjitha femrat e moshës 15-49, të cilat jetonin në familjet e përzgjedhura për
studimin e burrave. Së dyti, u shtua një modul vaksinimi për secilin fëmijë nën moshën pesë vjeç, për
t’u plotësuar në klinikën apo qendrën shëndetësore vendore. Siç tregohet në gjetjet e studimit MICS
2005 dhe sipas ekspertëve të shëndetit të fëmijës, informacioni mbi imunizimin në Shqipëri më
Hyrje | 11