REPUBLIKA E SHQIPËRISË Studimi Demografik dhe ... - INSTAT

Përgjithësisht, 36 përqind e femrave të moshës 15-24 vjeç kishin bërë seks me rrezik të lartë
gjatë 12 muajve që i paraprinë studimit. Të rejat e moshës 15-19 vjeç ka më shumë të ngjarë që të
përfshihen në akte seksuale me rrezik të lartë sesa ato të moshës 20-24 vjeç (54 dhe 30 përqind,
përkatësisht). Dymbëdhjetë përqind e rejave të pamartuara kishin bërë seks me rrezik të lartë. Femrat
në zonat urbane ka më shumë të ngjarë sesa ato të zonave rurale që të përfshihen në akte seksuale me
rrezik të lartë (49 dhe 28 përqind, përkatësisht). Përqindja e të rejave që kanë bërë seks me rrezik të
lartë, gjatë 12 muajve të kaluar, rritet me ngritjen e nivelit arsimor dhe të gjendjes materiale të
familjes.
Vetëm një e katërta e femrave (25 përqind) të moshës 15-24 vjeç që kanë bërë seks me rrezik
më të lartë gjatë 12 muajve që i paraprinë studimit përdorën prezervativin herën e fundit që bënë seks
me rrezik të lartë. Femrat e moshës 20-24 vjeç ka më shumë të ngjarë që të kenë përdorur
prezervativin herën e fundit që bënë seks me rrezik të lartë sesa femrat e moshës 15-19 (29 dhe 20
përqind, përkatësisht). Përdorimi i prezervativit herën e fundit të marrëdhënies seksuale me rrezik të
lartë u raportua nga 39 përqind e të rejave në zonat urbane, në krahasim me 9 përqind e të rejave në
zonat rurale. Sipas rajoneve, të rejat në Tiranën Urbane ka më shumë të ngjarë që të kenë përdorur
prezervativin (59 përqind) gjatë herës së fundit që bënë seks me rrezik të lartë. Niveli më i lartë
arsimor dhe material është në përpjesëtim të drejtë me përdorimin e prezervativit gjatë herës së fundit
që të rejat bënë seks me rrezik më të lartë.
Nëntëdhjetë e tre përqind e të rejave të moshës 15-24 vjeç që bënë seks gjatë 12 muajve që i
paraprinë studimit ishin përfshirë në akte seksuale me rrezik të lartë gjatë kësaj periudhe, dhe më
shumë se gjysma e tyre (55 përqind) raportuan se kishin përdorur prezervativin herën e fundit që
kishin bërë seks me rrezik të lartë. Aktet seksuale me rrezik të lartë janë më të përhapura ndër të rinjtë
e moshës 15-19 vjeç sesa tek ata të moshës 20-24 vjeç (97 përqind në krahasim me 91 përqind). Nuk
ka ndryshime të mëdha ndërmjet niveleve të seksit me rrezik të lartë dhe përdorimit të prezervativit
ndër të rinjtë në varësi të rajonit apo të vendbanimit urban-rural; sidoqoftë, ndryshe nga femrat,
meshkujt në fshat kanë një nivel pak më të lartë të përdorimit të prezervativit herën e fundit që bënë
seks me rrezik të lartë, sesa meshkujt në qytet (56 dhe 53 përqind, përkatësisht). Nuk ka ndryshime të
mëdha në përdorimin e prezervativit herën e fundit të kontaktit seksual me rrezik të lartë në varësi të
nivelit arsimor dhe material.
12.17 PËRZIERJA E MOSHAVE QË HYJNË NË MARRËDHËNIE SEKSUALE
Në shumë shoqëri, të rejat kanë marrëdhënie seksuale me burra që janë shumë më të rritur në
moshë. Kjo praktikë mund të çojë në përhapjen e HIV dhe të STI, sepse në rast se një partner më i ri
dhe i painfektuar bën seks me një partner në moshë më të rritur dhe të infektuar, kjo mund ta sjellë
virusin në një kohort më të ri dhe më pak të ekspozuar.
Kjo pjesë ekzaminon prevalencën e akteve seksuale ndër partnerët me diferenca të mëdha
moshe. Femrat e moshës 15-24 vjeç që kanë bërë seks me rrezik të lartë, gjatë 12 muajve që i
paraprinë studimit, u pyetën për moshën e të gjithë partnerëve të tyre. Në rastin kur ato nuk e dinin
moshën e saktë të partnerit, u pyetën nëse ai ishte më i ri ose më i rritur se ato dhe nëse ky partner
ishte 10 ose më shumë vjet më i madh se ato. Rezultatet tregohen në Tabelën 12.18.
Përgjithësisht, 3 përqind e të rejave të moshës 15-24 vjeç dhe 6 përqind e të rejave të moshës
15-19 vjeç kanë kryer marrëdhënie seksuale me rrezik të lartë me një mashkull 10 ose më shumë vjet
më të madh në moshë.
Njohuritë, Qëndrimet dhe Sjellja në Lidhje me HIV/AIDS | 215