REPUBLIKA E SHQIPËRISË Studimi Demografik dhe ... - INSTAT

15.4 QËNDRIMET E MESHKUJVE PËR VENDIM-MARRJEN NË FAMILJE
ADHS 2008-09 u drejtoi meshkujve aktualisht të martuar pyetjen se kush, sipas tyre, duhet të
ketë një ndikim më të madh në marrjen e vendimeve për pesë çështje specifike: kryerjen e blerjeve të
rëndësishme për familjen, blerjet për nevojat e përditshme të familjes, vizitat te familja apo të afërmit
e bashkëshortes, çfarë duhet bërë me paratë që fiton bashkëshortja dhe sa fëmijë duhet të ketë familja.
Tabela 15.4.2 tregon se rezultatet për qëndrimet e meshkujve përgjithësisht përkojnë me ato të
bashkëshorteve të tyre lidhur me pjesëmarrjen në vendim-marrjen familjare.
Meshkujt e martuar kanë bindjen e fortë (86 përqind) që bashkëshortja dhe bashkëshorti duhet
të kenë ndikim të barabartë në vendimin se sa fëmijë duhet të ketë familja. Shumica e meshkujve
mendojnë gjithashtu që vendimet për vizitat te familja apo të afërmit e bashkëshortes (67 përqind) dhe
ndarja e të ardhurave në të holla të bashkëshortes (68 përqind) duhen marrë bashkërisht. Nga ana
tjetër, 44 përqind e meshkujve të martuar pohuan se bashkëshortja duhet të ketë një ndikim më të
madh në kryerjen e blerjeve për nevojat e përditshme të familjes, ndërkohë që 36 përqind pohuan se
vendimi duhet marrë bashkërisht. Lidhur me blerjet e rëndësishme të familjes, 46 përqind e
meshkujve të martuar pohuan se bashkëshorti duhet të ketë një ndikim më të madh, edhe pse gjysma
(50 përqind) e meshkujve mendojnë që vendimi duhet të merret bashkërisht.
Tabela 15.4.2 Pjesëmarrja e femrave në vendim-marrje sipas meshkujve
Shpërndarja në përqindje e meshkujve aktualisht të martuar në moshën 15-49 vjeç sipas personit që ata mendojnë se
duhet të ketë një ndikim më të madh në marrjen e vendimeve për pesë lloje çështjesh, Shqipëria 2008-09
Vendimi Bashkëshortja
Bashkëshortja
dhe
bashkëshorti
së bashku
Bashkëshorti
Nuk e di/
varet Total
Numri i
meshkujve
Blerjet e rëndësishme për familjen 3.2 50.0 45.9 1.0 100.0 1,703
Blerjet për nevojat e përditshme
të familjes 44.2 35.5 17.2 3.0 100.0 1,703
Vizita te familja apo të afërmit e
bashkëshortes 12.3 66.7 17.5 3.4 100.0 1,703
Çfarë duhet bërë me paratë që fiton
bashkëshortja 9.2 67.6 17.3 5.9 100.0 1,703
Sa fëmijë të ketë familja 0.9 86.0 11.8 1.3 100.0 1,703
Tabela 15.5.1 tregon se si ndryshon pjesëmarrja e femrave në vendim-marrje sipas
karakteristikave të përzgjedhura. Ka një ndërlidhje të fortë midis moshës dhe vendim-marrjes. Për
shembull, përqindja e femrave që marrin pjesë në të katër vendimet rritet nga 16 përqind mes femrave
në moshën 15-19 vjeç në 60 përqind mes femrave në moshën 45-49 vjeç. Femrat që janë të punësuara
për të ardhura në të holla kanë më shumë gjasa të marrin pjesë në të katërta vendimet. Gjasat që një
femër e martuar të jetë e përfshirë në të gjitha vendimet është më e lartë mes femrave me 1-2 dhe 3-4
fëmijë që jetojnë. Femrat në zonat urbane kanë më shumë gjasa se sa ato në zonat rurale të kenë
ndikim në të gjitha vendimet. Duke parë ndryshimet sipas rajoneve, përqindja e femrave aktualisht të
martuara që marrin pjesë në të gjitha vendimet është më e larta në Tiranën Urbane (75 përqind),
krahasuar me 50 deri në 54 përqind në rajonet e tjera. Përqindja e femrave që marrin pjesë në vendimmarrje
rritet me nivelin e arsimit. Njëzet e pesë përqind e femrave pa arsim apo me arsim fillor 4vjeçar
marrin pjesë në të gjitha vendimet e specifikuara, krahasuar me 74 përqind të femrave me arsim
universitar apo më të lartë. Përqindja e femrave aktualisht të martuara që marrin pjesë në të gjitha
katër vendimet rritet me indeksin e pasurisë, nga 38 përqind mes femrave në indeksin më të ulët në 75
përqind mes femrave në indeksin më të lartë.
Fuqizimi i Gruas dhe Përfundimet Demografike e Shëndetësore | 281