Portret Magazine No16

Мозаик
Пролетен водич
Со март доаѓа пролетта, но во студените денови, што вообичаено ги носи овој месец, погледнете две серии со
мистерија и драма што почнаа во јануари и брзо ги освоија гледачите. Со апликациите што ги предложуваме можете
без проблем да почнете со редовната пролетна детоксикација и внимавање на исхраната во пресрет на летото.
Taboo
A Series of Unfortunate Events
„Табу“ е британска телевизиска драма, чијашто премиера
во Велика Британија беше на седми јануари на Би-би-си 1, а
американската на десетти јануари на Еф-икс. Напишана од
актерот Том Харди, кој воедно има и главна улога, развојот
на серијата во осум дела е во 1814 година. Џејмс Дилејни се
враќа во Британија по 12 години поминати во Африка и со 14
украдени дијаманти, по смртта на неговиот татко и кога на
војната во САД ѝ се ближи крајот. Дејството се развива додека
Дилејни создава сопствена империја за транспорт со бродови.
Генерално, серијата доби добри оцени, а одлично е оценета
глумата на Том Харди.
По култната книга на Лемони Сникет и филмот од 2004 година,
следува и серијата чијашто премиера беше на 13 јануари на
„Нетфликс“. Во улогата на злобниот гроф Олаф, овој пат е Нил
Патрик Харис, додека децата Бодлер ги глумат младите Малина
Вајсман и Луј Хајнс. Првата сезона има осум епизоди и ги
претставува првите четири дела од серијата книги, а се снима и
втора сезона со десет епизоди. Се очекува и трета сезона, за да
се претстави целата серија. Дејството почнува кога родителите
на децата Бодлер мистериозно умираат во пожар, а за нив
се грижи далечниот роднина, грофот Олаф, кој всушност го
сака нивното семејно богатство. Децата почнуваат да му се
спротивставуваат и ги откриваат тајните на нивните родители.
102