You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Јин-Јанг<br />
НИКОЛА ЕФТИМОВ, МОДЕН<br />
ДИЗАЈНЕР И ЕДУКАТОР<br />
ВО БОЛКАТА УСПЕАВ ДА<br />
ПОРАСНАМ<br />
Модниот систем е змија што си ја гризе<br />
сопствената опашка<br />
АЈ: Модата е?<br />
НЕ: Модата е комплексна индустрија, но и начинот на живот на<br />
одредена општествена група.<br />
АЈ: Кои општествени ситуации ти се инспирација за креација?<br />
НЕ: Идеите доаѓаат од доживеаното! Глобалните политички<br />
настани, новите научни откритија, современата уметност...<br />
АЈ: Дали убавината е гратис-влезница? Или?<br />
НЕ: Ќе се залетав, па ќе одговорев дека убавината е гратисвлезница<br />
доколку некој човек нема други дарови, но потоа се<br />
присетив дека постојат потрошувачи на површното.<br />
АЈ: Стилот е?<br />
НЕ: Одраз на состојбата во која се наоѓаме на интелектуално,<br />
креативно и емотивно ниво. Ми доминира тагата за луѓето кои<br />
велат дека стилот не се учел, туку дека сме се раѓале со него.<br />
Брусењето дијаманти е поедноставна работа од градењето на<br />
стилот. Кај луѓето секогаш има нешто ново за полирање.<br />
АЈ: Љубов со опачина на омраза е?<br />
НЕ: Резултат на нашето мало его и последица од постојаните<br />
програмирања. Некогаш омразата беше романтичарски славена<br />
како отсуство на рамнодушност.<br />
АЈ: Заклучени во градот сме...<br />
НЕ: За среќа, постои и обратниот процес на враќање кон природата<br />
и поинаквиот тип на осмислување на човечките заедници.<br />
АЈ: Каква е општествената моќ на уметникот?<br />
НЕ: Најскапоцени ми се личните ставови искажани преку делата, а<br />
не остварувањата според брифинг во некоја адвертајзинг-агенција.<br />
АЈ: Што ѝ недостига на елитната култура?<br />
НЕ: Кај нас сè уште не постои таков тип елита, со чест на ретки<br />
исклучоци, а парите знаат да се покажат преку брендирана<br />
ламарина вообличена во автомобили, шопинг-тури во Солун,<br />
ќебапчиња со кромид, прошетка на новите потпетици по некој од<br />
трговските центри...<br />
АЈ: За мене модни икони се...<br />
НЕ: Грета Гарбо, Марлен Дитрих, Одри Хепберн, Грејс Кели, Сесил<br />
Битон, Мариза Беренсон, Ајрис Апфел.<br />
АЈ: Би се преселил да живеам во...<br />
НЕ: Во Загреб - градот на моето детство и рана младост. Како<br />
стареам, сè повеќе ми недостига.<br />
АЈ: Kако го доживуваш култот кон младоста?<br />
НЕ: Луѓето поради желбата за изглед на вечна младост, од себе<br />
прават карикатури. Култот кон младоста е непочитување на<br />
процесите на менување и на достоинственото стареење и физичко<br />
умирање.<br />
АЈ: Март е месец на?<br />
НЕ: Месец на работа за идната сезона, како и пролетното<br />
пресадување на билките. :)<br />
АЈ: Омилен/а дизајнер/ка ми е?<br />
НЕ: Вивиен Вествуд! Поради бунтовното и чувството за традиција и<br />
поради нејзината непредвидлива предвидливост. :)<br />
АЈ: Што им е заедничко на модата и демократијата?<br />
НЕ: Достапноста на модните производи на сè поголеми општествени<br />
групи беше одраз на демократизацијата на модата, но, за жал,<br />
ваквото производството е и резултат на злоупотреба на евтината<br />
работна рака во некои земји, злоупотреба на детскиот труд и<br />
непочитување на регулативите за заштита на околината.<br />
АЈ: Од личните животни искуства најсилна трага ми остави...<br />
НЕ: Смртта на мојата мајка. Неочекувано се соочив со физичкото<br />
губење родител. Во болката успеав и да пораснам.<br />
АЈ: Загадувањето на воздухот би го решил со?<br />
НЕ: Со строга регулатива и алтернативни и обновливи извори на<br />
енергија. Покрај големите загадувачи, секој од нас остава валкана<br />
трага. Лицемерно ми е на протести да одат луѓе кои и за најмали<br />
дистанци влегуваат во автомобил и не водат сметка за потрошената<br />
електрична енергија.<br />
АЈ: Тагата ја „облекувам“ во?<br />
НЕ: Во младоста, тоа беше со облека што правеше некаква заштита,<br />
сега посегнувам по детали што за мене имаат голем емотивен набој<br />
и се дел од личниот багаж.<br />
АЈ: Каков костум би им облекoл на нашите политичари?<br />
НЕ: Кловновски костум! :)<br />
АЈ: Од македонските познати личности би сакал да работам со...<br />
НЕ: Со актерката Ирена Ристиќ. Процесот би бил забавен и<br />
инспиративен, а резултатот визуелно раскошен.<br />
125
Change language