Portret Magazine No16

BEAUTY AND THE BEAST
КОЛЕКЦИЈА НА
ATELIER SWAROVSKI
Ексклузивната колекција Atelier на Swarovski оваа сезона
е инспирирана од една од најпопуларните Дизниеви
бајки, „Убавицата и Sверот“. Заедно со премиерата на
новата филмска адаптација месецов, што ја раскажува
истата приказна во нова форма, Swarovski создаде
колекција инспирирана од филмот и розата, како еден од
клучните елементи во оваа бајка.
Розата претставува магично цвеќе, цвеќе што во филмот ја
има симболиката на часовник што го одбројува времето,
животот на Ѕверот и трката против тоа. Таа е симбол на
младоста, внатрешната убавина и бескрајна љубов што
тој ја доживува со убавата Бел. Елементот на магичност
е брилијантно претставен и оживеан во деталите и
уникатната изработка на секое парче од колекцијата.
Колекцијата нуди многу стилови, популарни сезонава,
каде што е интерпретирана розата. Екстравагантен чокер
со големи прстени и бразлетни во техниката на рачна
изработка Pointiage, па сè до шик секојдневни ѓердани,
обетки и бразлетни за помладата публика. Моќта на
женственоста интерпретирана во современа елеганција,
креира една исклучително атрактивна линија на накит,
што дефинитивно треба да се доживее.
Следејќи ја долгогодишната традиција на соработка со
најспектакуларни дизајнери од модниот свет, Swarovski
сè до денес продолжува да работи со најталентираните
и најперспективните имиња од светот на модата, филмот
и архитектурата. Колекцијата Atelier е создадена во 2007
година од страна на Надја Сваровски и се обновува
двапати годишно, секогаш следејќи ја модната недела и
содржи ексклузивни линии што ги оживуваат креативните
идеи на секој дизајнер. Меѓу селектираните светски
бутици на Atelier Swarovski, каде што се презентирани
овие лимитирани колекции, се наоѓа и бутикот на
улицата „Македонија“ во Скопје. Овие колекции го
слават бесконечниот креативен потенцијал на кристалот
Swarovski и артистичката интерпретација на уникатната
визија, карактеристична за секој дизајнер како индивидуа.