Portret Magazine No16

Портрет убавина
ПРОЛЕТНА
ДЕТОКСИКАЦИЈА
НА КОЖАТА
Пролетта е традиционално време за обнова и за
подмладување на целото тело. Како што се менува и начинот
на исхрана, се врши детоксикација на телото, се менува и
времето, денот станува поголем и почнува подготовката
за лето. Освен на тело, детоксикацијата е потребна и на
кожата, да се обнови од суровите влијанија на зимата, а
негата е различна зависно од типот на кожата. Потребна е и
дополнителна енергија на кожата преку користење на гелформули
со мирис на овошје со лимон, праска, манго, зелен
чај или цвет од цреша, што ќе направат кожата да мириса на
пролет.
Nature's Unicellular Toning
вода за чистење на лице
528 ден.
ЗРЕЛА И СУВА КОЖА
Затегнатиот површински слој може да укажува на сува кожа,
а со влегувањето во менопаузата, покрај многубројните други
промени во телото, кожата е и дехидрирана, се појавува
хиперпигментација и се губи густината на кожата. Целта е да се
нахрани и да се хидрира кожата, а во исто време да се намали
црвенилото. Производите на основа на билни масла и глицерин
ја хранат кожата и истовремено го штитат епидермисот, што
е важно за правилно функционирање на заштитната бариера
на кожата. Се разликуваат два типа на сува кожа, првиот е
таканаречена вообичаена сувост, што доаѓа со стареењето,
се јавува од климатски влијанија, како и средства за чистење
што содржат груби емулгатори. Другиот тип е патолошка
сувост за која е важно да се користат соодветни производи и
да се изолираат можните причинители. Неопходни се маски за
лице што содржат витамин Ф. Витаминот Ф се внесува преку
незаситените масни киселини, а недостигот на овој витамин на
кожата се гледа без лупа, кожата е сува и има првут.
70