Portret Magazine No16

VIVA LA VITA – МИРИСОТ
НА ИТАЛИЈА ПРЕТОЧЕН ВО
ПАРФЕМ
Инспириран од Италија, земјата што зрачи со страст, убавина,
посебна атмосфера, „Авон“ неодамна го промовираше
новиот парфем Viva la Vita. Парфемот ослободува чувства на
опуштеност, живост и слобода во изразувањето, а е наменет
за жени полни со самодоверба, жени кои исполнето го
живеат секој миг од животот.
Мирисните ноти се совршен спој на сочен, црвен грејпфрут
и јаболко, кремави ноти на магнолија и сензуална ванила–
комбинација што дава поттикнувачки ефект веднаш по
нанесувањето. Парфемот Viva la Vita можете да го најдете
во тековната брошура на „Авон“, а во моментот е достапен
во привлечна понуда со лосион за тело и сјај за усни. Повеќе
за парфемот Viva la Vita и за другите производи на „Авон“ ќе
најдете на www.avoncompany.com.
Се зборува за...
СВЕЖИНА ВО НОВАТА
ЖЕНСКА КОЛЕКЦИЈА НА
GEOX
Geox ја дочекува пролетта со линија на чевли и јакни
од колекцијата пролет/лето 2017. Чевлите се пријатни и
модерни, но истовремено и впечатливи и приспособливи
за секоја пригода – за пешачење, за класични настани, за
спортување, за гламурозни вечери... Особено се истакнуваат
неколку носечки модели: сандалите со комбинација на
драматични бои, изработени од превртена кожа, следејќи
ја модата во елегантна, но и удобна варијанта; чевлите во
ретро-стил со иновативни комбинации на материјали; и
чевлите со култниот дизајн Nebula, оваа сезона преточен во
интензивни бои и спортски елементи.
Покрај овие, колекцијата пролет/лето изобилува и со други,
еднакво атрактивни модели на чевли, како и линија на
пролетни јакни, направени со употреба на врвна технологија
и класичен, но истовремено модерен изглед.
ЗАВОДЛИВИТЕ МОДЕЛИ НА LISCA НА САЕМ ВО ФИРЕНЦА
На средината на февруари во Фиренца се одржа саемот
„IMMAGINE Italia&Co.“ на кој се претставија повеќе од
230 брендови на костими за капење и пижами. На саемот
учествуваше и висококвалитетниот бренд за долна облека и
пижами Лисца, претставувајќи се со колекцијата есен/зима
2017/18, а учествуваше и на завршното дефиле на модната
ревија. Манекенките ги претставија заводливите модели
долна облека Lisca Selection, што ја одликуваат смелоста,
проѕирноста и екстравагантноста.
Од компанијата се пресреќни поради посетеноста на
изложбениот простор од многу сегашни, но и нови
потенцијални партнери од Италија што само ја потврдува
изедначеноста на Лисца со најголемите светски компании
за долна облека и костими за капење. Колекцијата беше
убаво прифатена, што е добра најава за сезоната што доаѓа.
119