Create successful ePaper yourself
Turn your PDF publications into a flip-book with our unique Google optimized e-Paper software.
Семеен портрет<br />
СОПРУЖНИЦИ И СОЈУЗНИЦИ<br />
ПОРТРЕТ НА ЉУБОВТА НА МИШЕЛ И БАРАК ОБАМА<br />
Пишува: Џејлан Рустемоска<br />
Па, можеби и не постои поромантична брачна двојка<br />
која кога било живеела во Белата куќа. Иако неодамна<br />
семејството Обама официјално им го отстапи домот<br />
на нивните следбеници Трамп, САД, а и светот, уште долго<br />
(верувам и со доза носталгија) ќе се сеќава на нивните<br />
фотографии, танцови, разменети нежности, сојузнички<br />
погледи и бакнежи пред камерите, како и на симпатичните<br />
љубовни изјави споделени на социјалните мрежи. Од<br />
најраните почетоци на нивниот јавен живот и првите<br />
политички кампањи, па во текот на цели два мандата како<br />
претседател на САД и прва дама, Барак и Мишел Обама<br />
ги подигнаа стандардите за тоа како треба да изгледа<br />
една претседателска двојка. Секогаш рамо до рамо,<br />
непобедливи и неуморни од животот под рефлектори.<br />
Оваа година ќе прослават сребрена свадба, во меѓувреме<br />
нивните ќерки Малија и Саша израснаа во девојки под<br />
будните очи на медиумите, а семејството остана сплотено<br />
и не потклекна на притисоците и предизвиците што ги<br />
носи нивната важна општествена функција. Потврда беше<br />
и трогателниот завршен говор на Обама во кој најпрвин<br />
низ солзи ѝ се заблагодари на Мишел, жената што, покрај<br />
сопруга и мајка на неговите деца, беше и негов најдобар<br />
пријател изминативе години. „Таа ја прифати улогата што<br />
не ја побара и ја направи своја со благородност, одлучност,<br />
стил и добар хумор. Од Белата куќа направи дом за сите.<br />
Ме направи горд. Ја направи Америка горда.“ А еднакво<br />
горд рече дека е и на своите две паметни девојки со чисто<br />
срце и страст; да се биде нивен татко е неговото најголемо<br />
достигнување во животот. И Мишел возврати, објавувајќи<br />
црно-бела семејна фотографија на нејзиниот профил на<br />
„Инстаграм“ од почетоците на „патувањето“ што траеше<br />
осум години и им ги смени животите, по којзнае кој пат<br />
потврдувајќи ја љубовта кон својот сопруг и среќата да се<br />
биде дел од неговиот живот.<br />
Нивната приказна почнува во 1989 година. Во Чикаго е лето,<br />
а Барак Обама доаѓа да стажира во правната фирма „Сидли<br />
и Остин“, каде што три години помладата Мишел Робинсон<br />
треба да го подучува. На почеток таа очекува некој<br />
интровертен и здодевен чудак од „Харвард“, но на нејзино<br />
изненадување, Барак не само што е тотална спротивност<br />
туку, згора на сѐ, е и згоден. И покрај тоа што ѝ се допаѓа,<br />
ќе му треба долго време за да ја убеди да излезат заедно.<br />
„Многумина ме прашуваат како успеав да освојам толку<br />
фасцинантна жена. Повеќепати морав да ја молам на колена