Portret Magazine No16

Мисли здрави мисли
SPINNING ®
Возењето велосипед во сала, или Spinning ® , е сѐ поголем тренд
во светски размери, со сѐ поголем број вежбачи, a центарот
„Спорт Инн“ е единственото место каде што можете да го
практикувате ваквиот начин на вежбање кај нас. Велосипедите
Spinner имаат геометрија, држење и отпор како и врвните грандтур
друмски велосипеди. Програмата е приспособлива за сите, а
е под водство на сертифицирани Spinning ® тренери со одлично
познавање во областа на анатомијата, физиологијата, како и во
различни тренажни принципи. Еден час просечно трае 50 минути,
а програмата е приспособлива за сите. Идеална е за денови
кога поради лошото време не можете да возите велосипед
надвор, кога сакате да намалите дел од телесната тежина или,
едноставно, да се рекреирате. Резервирајте термин и дознајте
повеќе на www.sportinn.mk или на 078 / 700-070.
BARRE (БАР) ПИЛАТЕС
Оваа техника на вежбање води потекло од балетските сали
поради дрвената штица што се користи за истегнување при
пробите или barre (бар). Техниката barre стекнува сѐ поголема
популарност поради големата разновидност и примена во
пилатесот, јогата, вежбите со сопствена тежина... Резултатите
се лесно видливи по само неколку месеци – извајани нозе,
зголемена сила, подобрена флексибилност и координација во
просторот, како и зголемено расположение и самодоверба.
GYROTONIC (ЏИРОТОНИК)
Креирана од професионалниот танчар Јулиу Хорват (Juliu
Horvath), техниката џиротоник комбинира серија спирални
движења, со техника на дишење, сѐ со цел за подобра
рамнотежа, цврстина, издржливост и флексибилност на телото
без ризик од повреда на зглобовите. Првично познат како
„јога за танчари“, џиротоникот е една од омилените програми,
бидејќи комбинира јога, танц, гимнастика, пливање и тај
чи со специјализирани справи за џиротоник, што е секако
добредојдено доколку сакате да внесете различност во
вежбањето и на забавен начин да стигнете до посакуваните
резултати.
97