Create successful ePaper yourself
Turn your PDF publications into a flip-book with our unique Google optimized e-Paper software.
Мозаик<br />
РАСПОЛОЖЕНИ<br />
ЗА ДОБРА КНИГА<br />
„СОВРШЕНИ ЗАЕДНО“ – КАРЛИ ФИЛИПС [КУЛТУРА]<br />
Карли Филипс ви посакува добре дојде во Серендипити, каде што љубовта, судбината и среќата се<br />
испреплетуваат...<br />
Изморена од тоа да ја гледаат како добро ситуирана ќерка, секогаш игнорирана од страна на<br />
нејзините родители поради нејзината проблематична сестра-близначка и незаинтересирана да<br />
биде трофеј-сопруга на нејзиниот свршеник, Никол Фарнсворт, бега од својата свадба. Посакува<br />
да биде сама. И каде е најдобро да ја пронајде својата судбина ако не во малото, тивко гратче<br />
Серендипити? Местото каде што ќе се сретне со еден човек кој ќе направи нејзиното срце да чука<br />
побрзо, ќе ѝ даде храброст да го открие нејзиниот живот – иако тој самиот не е свесен за неговата<br />
помош. Секој заслужува уште една шанса?<br />
„СЕЌАВАЊА И ЖЕЛБИ“ – ЛИСА АПИЊАНЕЗИ [АНТОЛОГ]<br />
Љубовна приказна што почнува во Париз во 1934 година и завршува во Њујорк во 1980 година<br />
и во која Алексеј Џизмонди е во потрага по жената за која смета дека ги поседува клучевите од<br />
една тајна со која е опседнат. Во средиштето на тајната е секогаш загадочната Силви Ковалска<br />
Жарден, чиишто сомнителни гестови сериозно ќе им наштетат на нејзините лични и семејни<br />
односи, особено со ќерката Катрин, која на 13 години си заминува од дома за да побегне од<br />
насилното однесување на мајка си.<br />
Книгата ги истражува длабочините на еротската психа и раскажува за една прекрасна жена, за<br />
нејзиниот живот од испреплетени вистини и лаги и за скандалозните постапки што ќе остават<br />
последици врз повеќе генерации на два континента. Ликовите од високите и интелектуални<br />
сталежи, драматичност и страстен набој, како и многубројните уметнички, книжевни и<br />
историски референции, го прават ова дело совршено четиво за обожавателите на љубовни<br />
романи.<br />
„ЏЕЗ“ – ТОНИ МОРИСОН [МАГОР]<br />
„Џез“ (1992) се вбројува меѓу најдобрите дела на нобеловката Тони Морисон. Во зимата 1926<br />
година, Џо Трејс, средовечен продавач на козметички производи, ја убива својата млада<br />
љубовница. На погребот, Виолета, жената на Џо, го напаѓа трупот на девојката. Оваа страсна,<br />
прониклива приказна за љубовта и опсесијата е исткаена од жестоки емоции, силни надежи и<br />
длабоки стравови. Живата музика и животниот стил од дваесеттите години во Харлем ритмички<br />
пулсираат на страниците на „Џез“. Онака како што џез-музиката често е нескротена, слободна<br />
и хаотична, така и настаните во романот се претопуваат, временските и просторните нишки<br />
се вплетуваат една во друга, минатото и иднината се мешаат, а прозниот текст се претвора во<br />
поезија и музика.<br />
„НИЕ СМЕ ЛУДАЦИ“ – САШО КОКАЛАНОВ [ИЛИ-ИЛИ]<br />
„Ние сме лудаци“ е исконструиран и нестварен роман речиси колку животот. Натпревар на<br />
стварноста со постстварноста, на вистината со поствистината... натпревар на возови со шини,<br />
на спонтаност со режија, на политика со книжевност, на сатира со еротика, на хумор со<br />
безнадежност...<br />
„Ние сме лудаци“ е лирика, епика и драма во едно: победа, пораз и бегство на ист фронт,<br />
под исто знаме. Ликовите се толку магнетни што целосно го привлекле дури и авторот, па<br />
Кокаланов е едноимен кога пишува драми, другоимен кога пишува поезија, но истоимен кога е<br />
детектив на дури пет случаи во романот!<br />
„Ние сме лудаци“ е носител на листата на книжевната партија на слободоумните и<br />
талентираните. Заокружете го, остварете го!<br />
120<br />
Не запирајте со читањето тука: испратете ни е-пошта со вашите<br />
податоци на contact@portretmag.com и освојте една од книгите погоре.