Portret Magazine No16

ГРИЖА ЗА НАЈМАЛИТЕ ПРЕКУ ЗАБАВЕН
ЕДУКАТИВЕН ПРОЦЕС
Интернационалната градинка „Пиколини“ ја поттикнува
креативноста на децата и ја користи играта за нивен развој
со тоа што обезбедува сигурна и згрижувачка средина за
да ги образува во насока на социјален, емоционален и
когнитивен развој.
Запишувањето на детето во градинка за родителите е многу
важно прашање, често придружено со долго размислување
за можностите што се нудат, односно дали детето ќе добие
соодветен третман не само во насока на чување и грижа туку и
воспитување, учење нови работи соодветни за возраста, како
и запознавање и комуникација со околината, стекнување на
први познанства со деца од неговата возраст. Запишувањето
на детето во градинка е првиот голем чекор, како за детето,
така и за родителите, но и првата поголема промена за
детето. Искуството што ќе го стекне таму го подготвува за
понатамошниот воспитно-образовен процес во основно
училиште. Интернационалната градинка „Пиколини“ во Скопје
нуди поинаква нега и едукација што е специјално заснована
врз основите на програмата за воспитнообразовна
работа со деца од предучилишна
возраст, стандардите за рано учење и развој
кај децата до шест години и програмата на
Универзитетот „Кембриџ“ за основен англиски
(Cambridge Primary English Curriculum Framework)
во релација со националната наставна програма
за Англија (National Curriculum for England).
„Пиколини“ е место за сите деца направено по
сите светски стандарди, а располага со објект
од 700 квадратни метри и 3.300 квадратни метри
дворно место за игра и забава на разнобојни
и безбедни нишалки и реквизити. Дворот
содржи и простран спортски терен опремен за
разни спортски и телесни активности, како и
амфитеатар, песочник и расадник. Мисијата на градинката е
да ги мотивира, инспирира, охрабрува и поддржува децата со
тоа што обезбедува сигурна и згрижувачка средина, за да ги
образува во насока на социјален, емоционален и когнитивен
развој, со цел да се изгради основа за доживотно учење.
Визијата, пак, на градинката е да биде препознатлив лидер
за најдобра грижа за новороденчиња, деца на предучилишна
возраст и деца на училишна возраст, што се надополнува со
неверојатните образовни програми, талентираниот стручен
тим и односи со заедницата.
УЧЕЊЕ НИЗ ИГРА И ЗАБАВА
ВО ЗДРАВА ОКОЛИНА
Секојдневно, тимот во градинката ја користи образовната
моќ на играта за растење на детето, сето тоа придружено со
забава, нега и грижа. Грижливите и посветени наставници
растат, учат и ја развиваат имагинацијата заедно со детето
и веруваат дека наставната програма ја сочинува сè што се
случува во просторијата, од интеракција и јадење, до учење
на песни, пеење и играње. Образованието и развојот се
важни, но тимот на „Пиколини“ знае дека најважно од сè за
детето се сигурноста, безбедноста и здравјето. Затоа, тимот
е подготвен на секој начин да одговори на предизвиците
и да обезбеди сигурна околина за децата. Обезбедени
се различни здрави оброци и ужини. Менито се прави во
согласност со нутриционист и нуди целосно органски
оброци и вкусни ужини што ги задоволуваат критериумите
за исхрана на Министерството за труд и социјална политика.
Во „Пиколини“, децата добиваат и редовна педијатриска
грижа во кругот на своите другарчиња и преку игра и забава
ја надминуваат стресната состојба и отпорот кон лекарски
преглед. Педијатарот на редовна основа врши физикален
преглед на децата, идентификува акутни состојби и дава итни
препораки за заштита на здравјето, континуирано ја следи
можноста за развивање на хронични заболувања, го следи
психомоторниот раст и развојот на децата во согласност со
возраста и дава совети за превентивни и корективни мерки за
подобрување на здравјето.
94