Paisajes sonoros urbanos: XVI Festival de Música Antigua, Úbeda y ...

42
T E X T O S
Avrix mi galanica
Avrix mi galanica que ya va´manecer,
Avrir no vos avro, mi lindo amor,
La noche yo no durmo pensando en vos,
Mi padre´sta meldando, mos oyerá,
Amatalde la luzezica, si se dormirá,
amatalde la luzezica, si s´echará,
Mi madre´sta cuziendo, mos oyerá,
Pedrelde la algujica, si se dormirá,
pedrelde la algujica, si s´echará,
Mi hermano´stá´scriviendo, mos oyerá,
Pedrelde la pendolica, si se dormirá,
pedrelde la pendolica, si s´echará.
Morena me llaman
Morena me llaman, yo blanca nací,
de pasear galana mi color perdí.
D´aquellas ventanicas m´arrojan flechas,
si son de amores vengan derechas.
Vestido de verde y de altelí,
qu´ansí dize la novia con el chelibí.
Escalerica le hizo d´oro y de marfil
para que suva el novio a dar quiduxin.
Dizime galana si queres venir,
Los velos tengo fuertes, no puedo venir.
Morena me llama el hijo del rey,
si otra vez me llama me vo yo con él.
Puncha, puncha
Puncha, puncha, la rosa huele,
que el amor muncho duele,
tu no nacites para mí,
presto aléxate de mí.
Acódrate d´aquella hora
que yo te bezava la boca...
aquella hora ya pasó,
dolor quedó al coraçón...
Montañas altas y mares hondas,
llévame onde´l mi querido,
llévame onde´l mi amor,
él que me dé consolación.
Si otra vez me queres ver,
sale afuera te havlaré,
echa los ojos a la mar,
allí me puedes encontrar.
Los bilbilicos
La rosa enflorece
en el mes de may
mi alma se escurece
sufriendo de amor.
Los bilbilicos cantan
sospiran del amor
y la pasión me mata,
muchigua mi dolor.
Mas presto ven palomba
más presto ven a mi
más presto tú mi alma,
que yo vo morir.
Nani, nani
Nani, nani, nani quere el hijo,
el hijo de la madre,
de chico se haga grande.
¡Ay, dúrmite mi alma,
dúrmite mi vista,
que tu padre viene
con muncha alegría.
¡Ay!, avriméx mi dama,
avriméx la puerta,
que vengo cansado
de arar las huertas.
Avrir no vos avro,
no venix cansado,
sino que veníx
de onde nuevo amor.
Entrí más alientro
por ver lo que havía,
vidi cama’rmada
con ricas cortinas.
Ni es más hermoza,
ni es más valida,
ni ella llevava
más de las mis joyas.