Paisajes sonoros urbanos: XVI Festival de Música Antigua, Úbeda y ...

Dos amantes
Dos amantes tengo, la mi mama,
al cual que me tome yo?
el uno es pantalonero
el otro es particular.
Al pantalonero, la mi mama,
engañándolo estó,
al particular, mi mama,
lo amo de coraçón.
Echa agua en la tu puerta,
pasaré y me caeré
para que salgan tus parientes,
me daré a conocer.
Ven bijuca, ven hermoza,
veras onde bivo yo,
entre dos montañas altas
donde no`ndeñava yo.
Hija mía, mi querida
Hija mia, mi querida,
amán, amán, amán,
no te eches a la mar
que la mar está en fortuna
mira que te va a llevar.
Que me lleve y que me traiga
amán, amán, amán,
siete puntos de hondor
que me engluta pexe preto
para salvar del amor.
Por amar una donzella
Por amar una donzella
de aquí d´este lugar,
yo la amo, yo la quero,
yo salí´n su buxquida.
Por amar una donzella
de aquí d´este lugar
se la demandí a su padre,
guerra grande m´hiz´armar.
Por amar una donzella
de aquí d´este lugar,
se la demandí a su madre,
de palavras m´hizo´ngañar.
Por amar una donzella
de aquí d´este lugar,
se la demandí a su´rmano,
con cuchillo me quería matar.
Partos trocados
La sclava parió un hijo,
la ama parió una hija,
las cumadres fechizeras
trocan a las criaturas.
Un día de aqueyos días
acunar asentaría,
cunando la cunava,
enfazando la enfazava.
Un día de aqueyos días
a cantar se le metía,
nani, nani la mi hija
criada y non parida.
Criada y non parida,
parida, el Dió vos guadre,
cuando queren la vuestra madre,
parida stava la reina.
Una matica de ruda
Una matica de ruda,
una matica de flor,
hija mia, mi querida,
dime a mi quien te la dio.
Me la dió un mancevico
que de mí s´enamoró.
Hija mía, mi querida,
no téches a la perdición,
más vale un mal marido
que un mançevo de amor,
Mançevo de amor, la mi madre,
la mançana y el buen limón.
43