IA-Sinode-2014-Agenda

140
Kerkorde
_________________________________________________________________________________________________
9. HERSIENING VAN DIE BESLUITE VAN
DIE ALGEMENE SINODE AANGAANDE DIE
DUIWEL
Die sinode besluit om die laatbeskrywingspunt
soos gewysig, te bespreek.
Die sinode besluit dat die bestaande
formulering (Sien Handelinge Algemene
Sinode, punt 18 Bediening van bevryding,
A.10 Leer en Aktuele Sake, Bylaag 2, bladsy
187, punt 14) wat as volg lei:
“14.7 Die algemene sinode aanvaar die
werklikheid dat daar ’n wye diversiteit van
interpretasies en toepassings van die Bybelse
boodskap oor die bose en demone binne die
NG Kerk is. Daar is ruimte vir lidmate wat aan
die werklike en persoonlike aard van die duiwel
en demone glo, en daar is ruimte vir lidmate
wat die Bybelse spreke oor die bose en
duiwels anders interpreteer.”
gewysig word om te lees:
“Die algemene sinode is bewus van die
werklikheid dat daar ’n wye diversiteit van
interpretasies en toepassings van die Bybelse
boodskap oor die bose en demone binne die
NG Kerk is. Om die werklike en wesenlik
persoonlike aard van die duiwel te aanvaar,
sonder om daardeur die boosheid in die mens
self, in owerhede, strukture, magte ensovoorts
te ontken, is die Bybelse posisie en word ook
so in die belydenisskrifte voorgehou en deur
die NG Kerk aanvaar.”
9.1 Uitvoering
Die predikant in sinodale diens het op 12
November 2012 die beskrywingspunt
deurgestuur na dr. JJ Gerber (die Algemene
Sekretaris Nederduitse Gereformeerde Kerk).
Die Algemene Sinode het die beskrywingspunt
hanteer en soos volg besluit:
Die Algemene Sinode vervang die huidige
punt 7 van die 2011-besluit met die
verbeteringsvoorstel (aangepas) wat die
Oostelike Sinode in hul beswaarskrif stel, te
wete:
Die AS aanvaar die werklikheid dat daar ʼn
wye diversiteit van interpretasies en
toepassing van die Bybelse boodskap oor die
bose en demone binne die NG Kerk is. Daar
is lidmate wat die persoonlike aard van die
duiwel en demone aanvaar, en daar is lidmate
wat die nie-persoonlike aard van die duiwel en
demone aanvaar. Albei standpunte erken die
realiteit van die bose.
AANBEVELING
Die sinode verwys die besluit van die
Algemene Sinode na die sinodale kommissie
vir leer en aktuele sake.
10. GRAVAMEN TEN OPSIGTE VAN
KERKORDE 2007: ARTIKELS 3 EN 9
Die sinode
1. om met dank kennis te neem van die
besluit van die algemene sinode met
betrekking tot artikel 3 en 9.
2. dat die gravamen ten opsigte van artikel 3
en 9 as afgehandel beskou word
aangesien die beginsels wat in artikel 3 en
9 op die spel was, bevredigend
geïmplementeer is.
3. om kennis te neem dat daar egter steeds
voorbehoude is ten opsigte van sekere
formuleringe in die nuwe artikel 9 (sien
vrae vir bespreking tydens die
sinodesitting)
10.1 Uitvoering
Die predikant in sinodale diens het op 12
November 2012 die beskrywingspunt
deurgestuur na ds. HM Janse van Rensburg (die
skriba van die algemene taakspan regte).
Die aangeleentheid is aan die ATR voorgelê. Die
standpunt van die sinode van Noord-Kaapland is
nie aanvaar nie.
11. UITBREIDING VAN DIE KONINKRYK
VAN GOD – DIENS VAN DIE KERK IN DIE
WÊRELD
Die sinode besluit:
1. dat die twee begrippe “uitbreiding van die
koninkryk” en “diens in die wêreld” nie
dieselfde beteken nie;
2. dat die uitdrukking “koninkryk van God” ’n
meer omvattende en Bybelse begrip is wat
ook so in die belydenisskrifte gebruik
word.
3. dat daar met die ATR hieroor in gesprek
getree word ten einde artikel 9
dienooreenkomstig te wysig.
11.1 Uitvoering
Die predikant in sinodale diens het op 12
November 2012 die beskrywingspunt
deurgestuur na ds. HM Janse van Rensburg (die
skriba van die algemene taakspan regte).
Die aangeleentheid is aan die ATR voorgelê. Die
standpunt van die sinode van Noord-Kaapland is
nie aanvaar nie.
12. TUGONDERSOEK: DS. HJG VAN
HEERDEN
’n Klag teen ds. van Heerden was by die
gemeente van Carnarvon teen ds. van Heerden
gelê. Die gemeente het die klag na die ring van
Carnarvon verwys vir ondersoek.
_________________________________________________________________________________________________