IA-Sinode-2014-Agenda

Kerkorde
_________________________________________________________________________________________________
langer as drie maande na aanvaarding van
die beroep val nie.
8.4 Beroep van iemand wat vroeg
geëmeriteer het
8.4.1 ’n Bedienaar van die Woord wat weens
gesondheidsredes geëmeriteer het en wat
wens om weer tot die bediening terug te
keer, moet daarvoor aansoek doen by die
ring/ringskommissie waar hy demissie
ontvang het. Sy aansoek moet vergesel
wees van ’n mediese sertifikaat van resente
datum. Nadat die ring/ringskommissie die
aansoek goedgekeur het, word by die
sinodale kerkordekommissie aanbeveel dat
die bedienaar van die Woord beroepbaar
verklaar word.
8.4.2 ’n Bedienaar van die Woord wat om
ander redes as gesondheidsredes voor die
ouderdom 65 emeriteer, en wat begeer om
tot die bediening terug te keer, moet
daarvoor aansoek doen by die
ring/ringskommissie waar hy demissie
ontvang het. Die aansoek, waarin die
emeritus verklaar dat hy in staat is om weer
voltyds diens te aanvaar, moet van ’n
aanbeveling van die ring waar hy na aftrede
woonagtig was, asook ’n resente mediese
sertifikaat vergesel wees. Nadat die
ring/ringskommissie die aansoek
goedgekeur het, word by die sinodale
kerkordekommissie aanbeveel dat die
bedienaar van die Woord beroepbaar
verklaar word.
8.4.3 In beide gevalle (7.9.1 en 7.9.2) gee die
sinodale kerkordekommissie deur middel
van ’n verklaring hiervan kennis in die
Kerkbode.
8.5 Kennis van bevestiging
8.5.1 Die kerkraad gee onverwyld aan die
ring kennis van bevestiging.
8.5.2 Die skriba van die ringskommissie gee
dadelik kennis van die bevestiging aan die
predikant in sinodale diens en vir die
algemene steunspan predikantesake (ASP),
met vermelding van die datum van
bevestiging.
8.5.3 In die geval van proponente, gee die
skriba van die ringskommissie aan die
predikant in sinodale diens kennis van die
bevestiging en laasgenoemde reik ’n Akte
van Bevestiging op die voorgeskrewe vorm
uit.
8.5.3.1 Die kennisgewing van die ringskriba
aan die predikant in sinodale diens moet die
volgende inligting bevat:
8.5.3.1.1 die volle name van die proponent;
8.5.3.1.2 sy/haar geboortedatum;
8.5.3.1.3 die datum van bevestiging;
8.5.3.1.4 die naam van die gemeente;
8.5.3.1.5 die naam van die bedienaar van die
Woord wat die bevestiging waargeneem het
en
148
8.5.3.1.6 die name van die bedienaars van
die Woord wat aan die handoplegging
deelgeneem het.
15.3 Bepaling 13
AANBEVELING
Die sinode besluit dat bepaling 13.3 tot 13.5
soos volg gewysig word
Ou bepaling
Bepaling 13
13.3 Die bedienaar van die Woord mag in
die onderhandeling met die kerkraad oor
die ooreenkoms op al die voordele ten
opsigte van sy lewensonderhoud volgens
sinodale besluite aanspraak maak. As
voorbeeld hiervan dien traktement volgens
die skaal van die sinode, vrye woning of
toelaag, genoegsame vervoertoelaag, vrye
gebruik van water en ligte, jaarlikse verlof
en bonus en ten minste die helfte van die
koste van lidmaatskap van ’n mediese
skema ingestel volgens die Wet op Mediese
Skemas.
Besluit by bepaling 13.3
13.4 Die sinode van Noord-Kaapland
aanvaar dat kerf 1 (volgens bepaling 13.3
soos van toepassing) van die riglyne van
die algemene sinode ’n minimum
voorwaarde sal wees vir alle aanstellings
volgens bepaling 7.2.
13.4 Jaarlikse verlof van ’n bedienaar van
die Woord, kan na wedersydse goedkeuring
deur die betrokke gemeentes, oorgedra
word met dien verstande dat dit geen
opgehoopte verlof insluit nie.
13.5 Elke kerkraad of sinodale kommissie is
verantwoordelik vir die pensioenvoorregte,
volgens die reëls van die Predikante
Pensioenfonds van die Ned. Geref. Kerk in
Suid-Afrika, van bedienaars van die Woord
in sy diens.
Nuwe bepaling
Bepaling 13
13.3 Die bedienaar van die Woord mag in
die onderhandeling met die kerkraad oor
die ooreenkoms op al die voordele ten
opsigte van sy lewensonderhoud volgens
sinodale besluite aanspraak maak. As
voorbeeld hiervan dien traktement volgens
die skaal van die sinode, vrye woning of
toelaag, genoegsame vervoertoelaag, vrye
gebruik van water en ligte, jaarlikse verlof
en bonus en ten minste die helfte van die
koste van lidmaatskap van ’n mediese
skema ingestel volgens die Wet op Mediese
Skemas.
13.4 Die sinode van Noord-Kaapland
aanvaar dat kerf 1 van die riglyne van die
algemene sinode ’n minimum voorwaarde
sal wees vir alle aanstellings.
_________________________________________________________________________________________________