IA-Sinode-2014-Agenda

94
Hulpdienste
_________________________________________________________________________________________________
7.2.1 Die Noord-Kaapland Sinode Fonds dek die onkostes van gewone en buitengewone vergaderings
van die sinode en vergaderings van kommissies wat oor geen fondse beskik nie. Alle sinodale
kommissies wat fondse beheer, dra die koste van hul vergaderings en projekte.
7.2.2 Op aanbeveling van die sinodale kommissie vir hulpdienste stel die sinode daggelde en reis- en
verblyfkoste vas.
7.2.3 In die jaar waarin die sinode vergader stort elke kerkraad 'n bedrag, soos deur die sinodale
kommissie vir hulpdienste bepaal, voor 30 Junie in die Noord-Kaapland Sinode Fonds.
7.2.4 Afgevaardigdes na die algemene sinode word vergoed volgens die besluite van die algemene
sinode.
8. BEGROTING
Begrotingsbeleid is aangeheg as Bylae.
9. SINODALE BYDRAES
Formule vir sinodale bydraes is aangeheg as Bylae
10. FONDSE
10.1 Trustfondse aan die sinode toegesê, is fondse wat vir spesifieke doeleindes bestem is en deur die
sinode geadministreer word. Die sinode het nie meer mag of bevoegdhede daaroor as die wat in die
trustakte vir hom voorgeskryf word nie.
10.2 Toegedeelde Sinodale Fondse word deur die sinodale kantoor geadministreer.
10.3 Die doel van fondse is om voorsiening vir onvoorsiene uitgawes te maak.
10.4 Fondse word aangetoon in die balansstaat op die finansiële state.
10.5 Geen rente toedeling aan Toegedeelde Sinodale Fondse
10.6 Die NGK het die volgende verdeling van fondse:
10.6.1 Noord-Kaapland Sinode Fonds
• Die Noord-Kaapland Sinode Fonds dek die onkostes van gewone en buitengewone
vergaderings van die sinode en vergaderings van kommissies wat oor geen fondse beskik nie.
Alle sinodale kommissies wat fondse beheer, dra die koste van hul vergaderings en projekte.
• In die jaar waarin die sinode vergader stort elke kerkraad ’n bedrag, soos deur die sinodale
kommissie vir hulpdienste bepaal, voor 30 Junie in die Noord-Kaapland Sinode Fonds.
Sien Reglement Noord-Kaapland Sinode Fonds
10.6.2 Algemene Sinodesittings-koste Fonds
• Voorsiening te maak vir die onkoste (reis- en verblyfkoste) van gewone en buitengewone
vergaderings van die Algemene Sinode wat tussen die 10 deelnemende streeksinodes geegaliseer
word.
• Definisie van egalisasie: “to make something the same in size, amount, or importance for
everyone in a place or for all the members of a group”.
Sien Reglement Sinodesittings-koste Fonds
10.6.3 Sinodale Reserwefonds
• Die sinode van die Ned. Geref. Kerk in Noord-Kaapland het in 1980 besluit dat ’n sinodale
reserwefonds opgebou word deur middel van ’n jaarlikse sinodale kollekte ten einde voorsiening
te maak vir onvoorsiene gebeurlikhede. (Hand. 1980, p17, 243). Die sinodale kollekte is later
gestaak.
Sien Reglement Sinodale Reserwefonds
10.6.4 Sinodale Meubel- en Kantoortoerusting Vervangingsfonds
• Voorsiening te maak vir die vervanging van kantoortoerusting vir sinodale kantoor.
Sien Reglement Sinodale Meubel- en Kantoortoerusting Vervangingsfonds
10.6.5 Teologiese en maatskaplike werk studiefonds
• Die sinodale kommissie vir hulpdienste bestuur ’n teologiese maatskaplike werk studiefonds
waaruit beurse en/of lenings vir voorgraadse studie toegeken word om te kwalifiseer as
bedienaars van die Woord en maatskaplike werkers.
Sien Reglement Teologiese en maatskaplike werk studiefonds
_________________________________________________________________________________________________