IA-Sinode-2014-Agenda

187
Bedieningsondersteuning
_________________________________________________________________________________________________
BYLAE 2
VERSLAG VAN DIE VERTEENWOORDIGER VAN DIE NED. GEREF.
KERK IN NOORD-KAAPLAND BY DIE KURATORIUM VAN DIE
TEOLOGIESE FAKULTEIT, UNIVERSITEIT VAN DIE VRYSTAAT
1. Vergaderings van die kuratorium
Sedert die vorige vergadering van die sinode van die NGK Noord-Kaapland in 2012, het die Kuratorium
het op 13 November 2012 en 12 November 2013 vergader. Verteenwoordigers van die NG Kerk Vrystaat,
vakeksaminatore, voorsitters van die kuratorium se subkommissies, verteenwoordigers van ander
streeksinodes van die NG Kerk, asook verteenwoordigers van die NGKA, VGK, RCA en ATR het die
vergaderings bygewoon.
2. Eenheid vir Bedieningsbegeleiding (EBB)
Die behoefte en noodsaak van ’n omvattende en geïntegreerde strategie om die bedieningsbehoeftes
van gemeentes en predikante in die Vrystaat aan te spreek het gelei tot die daarstel van ’n nuwe sinodale
struktuur in die Vrystaat nl. die ‘Eenheid vir Bedieningsbegeleiding’. Die eenheid sal die breër funksies
van die Kuratorium insluit. Vir hierdie doel is ’n predikantspos geskep met die volgende
verantwoordelikhede:
• pastorale begeleiding van leraars en gemeentes,
• netwerkvorming en koördinering van al die eenheid se taakgroepe (waarvan Kuratorium, VBO,
Erediens, Jeug, ens voorbeelde is).
• Predikantopleiding en verdere opleiding (VBO)
Ds. Barnard Steyn vanaf die Oos-Kaap is intussen as Direkteur van die Eenheid beroep en is sedert 1
Januarie 2014 in diens. Na baie jare se toegewyde diens het me. Sussa van Tonder afgetree as
sekretaresse van die Kuratorium. ’n Nuwe persoon nl. mev. Sonja Jansen is intussen aangestel en sal die
sekretariële dienste vanuit die kantoor van die Kuratorium by die Fakulteit Teologie behartig.
3. VBO en Shepherd: nuwe ooreenkoms
Binne die sinodale verband van die NG Vrystaat neem die Eenheid vir Bedieningsbegeleiding, en
spesifiek die Kuratorium, die verantwoordelikheid vir VBO. Die ooreenkoms wat Shepherd met die
Vrystaat sinode het in die lewering van VBO dienste, het op 31 Desember 2013 verstryk. Die EBB het
besluit om die verbintenis met Shepherd tov VBO te kontinueer en is ’n nuwe ooreenkoms deur EBB met
Shepherd (Konsepooreenkoms met Shepherd – Aanhangsel 1), die Teologiese Fakulteit en die
Dagbestuur van die Kuratorium onderhandel. Hiervolgens onderneem Shepherd om steeds jaarliks
kursusse vir predikante en ander belangstellendes uit die NG Kerk-familie te ontwikkel en aan te bied met
die oog op VBO-behoeftes (A-Z Beleid) in hierdie kerke.
4. Ooreenkoms van die Kuratorium met die UV
Die bestaande ooreenkoms met die UV het gedateerd geraak. Die Kuratorium het sedert die 2012 Noord-
Kaap Sinode in onderhandeling met die Fakulteit Teologie en die Rektoraat in hierdie verband getree. Die
uitkoms was ’n nuwe ooreenkoms (Nuwe ooreenkoms tussen die NG Kerk Vrystaat (NGK VS) en die
Fakulteit Teologie van die Universiteit van die Vrystaat (UV) – Aanhangsel 2) waarvan die konsep
reeds deur die Vrystaat Sinode goedgekeur is. Tydens ’n plegtigheid by die Fakulteit Teologie is die
ooreenkoms op Dinsdag, 19 November 2013 onderteken. Die ooreenkoms tree eers, as gevolg van die
opseggingsklousule in die bestaande ooreenkoms, in werking aan die begin van 2017.
Die kern van die ooreenkoms sou in drie kerksake opgesom kan word:
Eerstens dat die teologiese opleiding van predikante vir die NG kerk aan die UV steeds aan die vereistes
en verwagtinge van die NGK VS sal voldoen. Dit kom daarop neer dat die konteks en etos van die
opleiding aan die UV studente van die NG Kerk steeds sal kan akkommodeer.
Tweedens dat die kerklike betrokkenheid by die opleiding van studente en hulle geestelike vorming en
begeleiding tydens hulle opleiding behou moet word.
_________________________________________________________________________________________________