IA-Sinode-2014-Agenda

179
Bedieningsondersteuning
_________________________________________________________________________________________________
Roepingsbewustheid is ’n belangrike faktor, veral gesien teen die agtergrond van vandag se
verbruikersmentaliteit. Hierdie mentaliteit posisioneer lidmate subtiel tot ‘n posisie van “ontvang” i.p.v.
“gee/dien.”
b. Lidmaatbemagtiging – Algemene Sinode 2013
Die Algemene Sinode se Netwerk vir Lidmaatbemagtiging plaas die fokus op dissipelskap (uitlewing), met
’n gepaardgaande identiteit. As gevolg van die institusionalisering van die ampte het die klem verskuif
vanaf dienslewering na regering en besluitneming. Bevoegdheid het dus die fokus geword eerder as
bemagtiging tot dienslewering. Die fokus moet terugskuif na dienslewering via gawes en
geloofsonderskeiding. Heelwat artikels oor hierdie benadering het sedert die 2011 Algemene Sinodesitting
in die Kerkbode en Kruisgewys verskyn.
C. Lidmate vra na insig en wysheid (Kerkbode, 5 November 2010)
Die ADGO het ’n artikel in die Kerkbode (5 November 2010) geplaas waarin ’n verband getref tussen
lidmaatbemagtiging en ’n sinvolle lewenservaring (eksistensiële dimensie van lidmaatbemagtiging). “Hoe
leef ek as gelowige my geloof in so ’n komplekse en deurmekaar wêreld uit? word gevra. Volgens die
artikel benodig gelowiges leiding (insig en wysheid) in die lewensarena van daaglikse persoons- en
beroepsuitdagings, sowel as t.o.v. geloofskwessies. Weereens vind ons in hierdie artikel die oorsaaklike
verband tussen identiteit en uitlewing. Wat is God se plan vir my? Watter besluite neem ek in my
alledaagse lewe? Hoe lewe ek my Christenskap uit in my leefwêreld? is van die vrae wat in hierdie artikel
gevra word.
Die artikel voer aan dat gemeenteleiers die aanbied van geestelike materiaal moet koppel aan lewensegte
situasies, sodat die lidmaat bemagtig kan word om geloofsonderskeidend en dus sinvol in sy/haar
alledaagse lewe te kan optree.
D. NGK Streeksinodes
Die Oos-Kaap streeksinode blyk die meeste ondervinding te hê i.t.v. lidmaatbemagtiging. Hierdie
ondervinding is egter spesifiek t.o.v. die bemagtiging van lidmate om as predikers en pastors in
gemeentes leiding te neem. Dit is gebaseer op die teologiese oortuiging “dat lidmate gawes van die Here
aan gemeentes is, asook ‘n toenemende skeptisisme oor die professionele predikante-amp.
Laasgenoemde kompeteer dikwels met lidmaat-leierskap, en verdring dit selfs.” (9 van die Oos-Kaap se
gemeentes kan nie meer voltydse leraars bekostig nie).
Vir die Oos-Kaap staan bemagtiging deur die Ring voorop: dit is die ruimte waar gemeentes saam oor
hulle konteks besin: ”’n Sisteem van ringsprojekte waar die sinode sy hulpbronne, besluitnemingsrol en
mag doelbewus desentraliseer, institusionaliseer derhalwe ringe se leierskapsrol.” Gesprekke is gevoer
oor roepingsverstaan, kontekstualiteit, die skep van ‘n bedieningskultuur, en ’n gestuurde lewenswyse.
“Uit die blote doen van praktiese bedieningswerk, kom transformasie in gemeentes tot stand. Die prioriteit
van die regte bedieningstake en nuwe bedieningservaring bó eindelose debatte waarin oor die wese van
die kerk geteoretiseer word, is onteenseglik bewys.”
Oos-Kaap sinode het derhalwe kurrikula ontwikkel vir die bemagtiging van lidmate om as predikers en/of
pastors op te tree. ’n Interessante ontwikkeling was die wyse waarop stedelike gemeentes die
bemagtigingskursusse aangewend het om hulle bedieningsaktiwiteite te verryk.
Uit die Oostelike Sinode word berig dat ’n “nuwe verstaan van kerkwees” besig is om te ontstaan - waar
insigte oor die funksionering van die predikant, gelowige, leierskap en dissipelskap “revolusionêr” aan die
verander is. Die klem val op die missionale: dat elke lidmaat met ’n gawe in die gemeente geseën is, en
dus geroepe is om deel te wees van die gemeentefunksionering. ”Lidmaatbemagtiging wil ‘n
paradigmaskuif inspireer wat sal plaasvind in die identiteit... en hóé... ons kerk is.” Die klem val dus op
spanverband: die leraar aktief t.o.v. sy/haar gawe/s, tesame met mede-lidmate – werksaam in elkeen
se gawe-kapasiteit.
E. Communitas
Die instansie wat blyk oor die meeste opleidingsmateriaal t.o.v. lidmaatbemagtiging beskik is
Communitas. Dr. Frederick Marais, Diensspanbestuurder, Communitas Netwerk vir
Gemeentebegeleiding, het die volgende programme en kursusse geïdentifiseer:
Ons het ‘n VBO kursus t.o.v. lidmaatbemagtiging om predikante te oriënteer in die verband. Ons het
verskeie kursusse om lidmate mee te bemagtig in spesifieke bedieningsvaardighede. Daar is vir al hierdie
kursusse uitgewerkte handleidings:
_________________________________________________________________________________________________