You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Diens en Getuienis<br />
_________________________________________________________________________________________________<br />
Rommelstrooiery is aan die orde van die dag.<br />
Nadelige gasse word in die lug uitgelaat. Die<br />
biosfeer is onder ernstige druk.<br />
Klimaatsomstandighede en weerpatrone is aan<br />
die verander. Daar is kommer oor geld en<br />
magshonger by baie regerings en lande. Gebrek<br />
aan deursigtigheid en monitering by veral<br />
hidrobreking bekommer. Hidrobreking en<br />
grondwater het pertinent en by verskeie<br />
geleenthede onder die aandag van die<br />
taakgroep gekom. ’n Bylae (The proposed<br />
regulatory framework for hydraulic fracturing)<br />
word aangeheg as ’n reaksie van die familie van<br />
NG Kerk rakende hidrobreking.<br />
The proposed regulatory framework for<br />
hydraulic fracturing is aangeheg as Bylae 1.<br />
3. Grondhervorming<br />
Grondhervorming met gepaardgaande kwessies<br />
soos eiendoms-, voedsel- en verblyfsekuriteit is<br />
steeds van groot belang vir baie van ons lidmate<br />
en gemeentes. Ongelukkig is die ervaring dat<br />
hierdie saak op ’n politieke wyse hanteer word<br />
wat min ruimte laat vir inspraak en oortuiging.<br />
Geen sinvolle vordering is gemaak met<br />
gesprekke nie, en min kan gedoen word anders<br />
as om te wag op die staat om besluite hieroor te<br />
neem. Ons sinode is verteenwoordig op die<br />
algemene sinodale taakgroep wat deurlopend en<br />
op kundige wyse hieraan aandag gee.<br />
Tot op datum is daar die afgelope 18 jaar<br />
nasionaal reeds meer as 3miljoen hektaar grond<br />
oorgedra aan nuwe eienaars in<br />
grondhervormingsprojekte, en byna R8 miljard is<br />
uitbetaal as vergoeding aan begunstigdes. In die<br />
Noord-Kaap is daar minder as 330 eise wat<br />
onafgehandel is.<br />
Dit kan aanvaar word dat die heropening vir die<br />
indien van grondeise nuwe uitdagings gaan<br />
meebring. Daar gaan groot druk op die<br />
administratiewe en finansiële bronne van die<br />
staat wees. Die gesindhede in veral landelike<br />
gebiede en die landbou sektor gaan opnuut<br />
beproef word, aangesien sulke eise dikwels met<br />
ontwrigting, onsekerheid en opportunisme<br />
gepaard gaan.<br />
Aangesien grondhervorming alles te doen het<br />
met die benutting van grond as skaars hulpbron,<br />
en om die debat in ’n sinvolle konteks te plaas,<br />
word dit tans deur die sinodale kommissie vir<br />
diens en getuienis as ’n aspek van “ekologie”<br />
binne die taakspan diakonaat hanteer.<br />
Alle aanduidings is dat grondhervorming<br />
aansienlik versnel sal word. Die wyse waarop dit<br />
in die toekoms kan geskied, asook die gevolge<br />
daarvan vir kommersiële landbou bekommer<br />
landboukundiges intens. Voedselvoorsiening in<br />
sekere sektore is reeds onder druk.<br />
Grondhervorming en versoening sal waarskynlik<br />
in die nabye toekoms groot eise aan die RSA<br />
gemeenskappe stel. Dit gebeur reeds.<br />
16<br />
• Watter rol het die kerk in al sy verbande<br />
proaktief en reaktief te speel?<br />
• Hoe gaan die plaaslike gemeenskappe<br />
raak?<br />
• Watter rol het die plaaslike kerk/e<br />
gespeel?<br />
Bogenoemde sake is op die agenda van die<br />
taakspan diakonaat.<br />
Beskrywingspunt ingedien by en deur die<br />
Gereformeerde sinode Noordwes November<br />
2011 en effens gewysig en goedgekeur deur<br />
die Algemene <strong>Sinode</strong> van die Gereformeerde<br />
Kerk Januarie 2012 is aangeheg as Bylae 2.<br />
AANBEVELING<br />
Die sinode besluit dat<br />
1. dat in die lig van groeiende ekologiese<br />
kennis, fokus, sensitiwiteit, kommer en<br />
die kerk se roeping en opdrag<br />
(rentmeesterskap) in die verband, die<br />
beskrywingspunt (Bylae 2), soos<br />
aanvaar deur die algemene sinode van<br />
die Gereformeerde Kerk in Suid-Afrika<br />
(Januarie 2012), weer na sy kommissie<br />
vir diens en getuienis asook na kerkrade<br />
en ringe verwys word vir verdere studie,<br />
kommunikasie, skakeling en netwerk.<br />
2. dat volstaan word met en bevestig die<br />
standpunte en besluite wat reeds oor<br />
grondhervorming deur hierdie en die<br />
algemene sinode geneem is.<br />
3. om voort te gaan met die algemene<br />
sinode se taakspan grondhervorming,<br />
asook om met ander binne die netwerk<br />
van die taakspan diakonaat oor hierdie<br />
saak in kontak te bly en saam te werk.<br />
9. BOERE EN GEMEENSKAPPE:<br />
BRANDE, RYP, HAEL EN MISDAAD<br />
Die sinode betuig meegevoel met die boere en<br />
gemeenskappe in ons gebied wat onlangs groot<br />
skade gely het as gevolg van brande, ryp, hael<br />
en misdaad. Die sinode verseker hulle van ons<br />
begrip en voorbidding.<br />
Daarmee saam juig die sinode saam oor die<br />
reën wat wyd verspreid voorgekom het.<br />
In ’n gebied waar so baie van ons lidmate<br />
afhanklik is van die natuur, bid ons saam om die<br />
versorging en seën van die Almagtige God.<br />
9.1 Uitvoering<br />
Die besluit is aan die gemeentes<br />
gekomminukeer.<br />
10. KURSUS VIR PREDIKANTE EN<br />
LIDMATE – BELYDENIS VAN BELHAR<br />
Die sinode besluit dat die voorstel van ds. JH<br />
Smit en die voorstel en ds. W van Velden na<br />
sinodale kommissie vir bedieningsondersteuning<br />
_________________________________________________________________________________________________