IA-Sinode-2014-Agenda

193
Bedieningsondersteuning
_________________________________________________________________________________________________
Kerkgeskiedenis). Hierbenewens is ook prof Alfonso Groenewald 'n lidmaat van die NG Kerk hoewel hy
nie een van die ooreengekome NG poste beklee nie. Prof. Dirk Human is die Vise-Dekaan.
Die NG Kerk se dosente vergader gereeld afsonderlik om aan gemeenskap-like sake aandag te gee. Die
Voorsitter is prof. Danie Veldsman en die Ondervoorsitter is prof. Cas Wepener.
5. Kerkeie Opleiding
’n Nuwe fase van Kerkeie Opleiding kon aan die begin van hierdie jaar aanbreek. Dr. Gustav Claassen is
van 1 Februarie hoof van Kerkeie Opleiding. Dit beteken dat hy volle verantwoordelikheid neem vir die
begeleiding van die NG Kerk se teologie studente vanaf die eerste tot die sesde jaar. Buiten vir die
begeleiding is hy ook verantwoordelik daarvoor dat die aspekte rakende spiritualiteit en
persoonlikheidsgroei genoegsame aandag kry. Ten einde dit te bereik, word die studente ook toegewys
aan predikante wat hiermee help. Daar is ’n program uitgewerk waarmee uitdrukking gegee word om al
die eienskappe wat gemeld word in die Profiel van die Afgestudeerde Student (en ’n paar jaar gelede deur
die Algemene Sinode goedgekeur is). Hierbenewens word die band tussen die tuisgemeente (of sturende
gemeente) en die Kuratorium onderhou soos deur die A tot Z Beleid bepaal.
Met die nuwe graadstruktuur wat binne die volgende paar jaar geïmplementeer gaan word, skep dit
opwindende moontlikhede vir die gewysigde inrigting van die gemeentejaar.
6. Voortgesette Bedieningsontwikkeling
Dr. André Bartlett is vanaf die begin van hierdie jaar voltyds verantwoordelik vir Excelsus, die naam vir
ons Sentrum vir Bedieningsontwikkeling. (Die afgelope twee jaar het ook Kerkeie Opleiding deel van sy
opdrag gevorm). Hy het dus nou die ideale geleentheid om Excelsus uit te bou met die oog op kursusse
vir afgestudeerdes. Hy werk derhalwe ook ten nouste saam met die nuwe Gevorderde Diploma in
Gemeentebediening.
Buiten vir die jaarlikse Lentekonferensie, kan navorsing en betrokkenheid by die Kerk se wetenskaplike
blad, Verbum et Ecclesia, aandag geniet. Die Kuratorium sien hierdie ontwikkeling as die verwesenliking
van 'n lang gekoesterde ideaal.
7. Ander Kuratorium sake
Vanweë die feit dat dr. Flip du Toit aan die einde van September 2013 emeritaat moes aanvaar, het daar
’n totale herorganisasie plaasgevind. Dit het onder andere daartoe aanleiding gegee dat bogenoemde
twee sake so geïmplementeer kon word. Sedert Oktober 2013 is dr Du Toit op deeltydse basis (40% van
sy tyd) in diens geneem. Hy is as Skriba van die Kuratorium verantwoordelik vir al die administratiewe en
uitvoerende sake van die Kuratorium en die vergaderinge daarvan. Daarbenewens het hy die
verantwoordelikheid om aan fondsinsameling aandag te gee sowel as die bemarking van teologiese
opleiding by die Kerk.
8. Dank
Daar kan met groot dankbaarheid gerapporteer word dat die samewerking met die sinode in Noord-
Kaapland deurgaans hartlik was. Die feit dat die sinode verteenwoordig word deur ds. Phillip Coetzee,
speel hierin geen geringe rol nie.
DJ Dreyer (Voorsitter)
PR du Toit (Skriba)
_________________________________________________________________________________________________