Create successful ePaper yourself
Turn your PDF publications into a flip-book with our unique Google optimized e-Paper software.
Nga itsho tshifhinga phosho ine ya nga tendelwa ndi ya maṋanga na mifhululu<br />
khathihi na zwikumelo. Izwo zwa mbo sumba ṱhonifho khulu kha musanda. Musi<br />
mushumo u vhukati, muṅwe wa dzikhadzi u a vha a khou khoḓedzela. Vha<br />
dovha hafhu vha ṱahisa ḽa uri arali mufu o vhulungelwa dangani, muṋango wo<br />
dzhenwaho ngawo u a valiwa ha phuliwa muṅwe. Afho hu vha hu khou<br />
shavhiswa uri kholomo dzi sa fholodze na uri vhaumba vha kone-vho u dzhena.<br />
Musi tshiko 9 vha tshi ṱahisa fhungo ḽa mavhulungele a vha ha Mphaphuli vha ri<br />
avha ndi vhathu vhane vha thoma nga u vhulunga tshitumbu tshavho Mbilwi.<br />
Afho u wana vha tshi vhulungelwa ngomu nḓuni kana dangani. Tshitumbu tsha<br />
hone vha ri tshi vha tsho putelwa nga mukumba mutswu. Vha ṱalutshedza zwauri<br />
muḓi wa hone u fhaṱelwa zwavhuḓi nga maṅwe mahosi. Kuḓu kwa hone ku vha<br />
ku tshi nga ḓulunyana. Nga iṅwe nḓila ndi kuḓu kwo tou itelwaho u vhulungelwa<br />
hone muthu muthihi fhedzi. Kuḓu ukwo ku a namiwa, ku hulungwa zwavhuḓi.<br />
Ḽivhiḓa ḽa hone ḽi vha ḽo bwiwa ḽa nga tshisiku. Vha shumisa thanda dza<br />
musimbiri kha u ita maalo. Tshitumbu tsha hone a tshi kwami mavu, tshi vhewa<br />
nga nḓila ya tshidele nṱha ha idzo thanda. Tshiḓu tsha hone tshi a namiwa na<br />
muṋango lwa tshoṱhe. Tshitumbu vha ri tshi dzula henefho lwa miṅwaha ine ya<br />
nga swika miraru. Afho ndi musi vho no kala tshifhinga vha konou zwi wana uri<br />
tshitumbu tshi nga vha tsho no sina. Nnḓu iyo yo fhaṱwaho u itela ḽivhiḓa iḽo, i<br />
vhidzwa u pfi ‘Tshiruxwi’. Hezwi zwa mbo amba uri mailausumbwa. Ṱhonifho i<br />
vha hone na kha nnḓu iyo ngauri a i sumbiwi. Na u sendelwa a i sendelwi.<br />
111