You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
U ya nga ha mvelele yavho vha sumbedzisa uri muthu ha vhulungwi na ṅwana<br />
thumbuni. Vha amba zwauri arali muthu uyo a lovha, ḽivhiḓa ḽawe ḽi tea u vha tsini<br />
na mulambo. Iyi ndi mbulungo i songo tou ḓoweleaho. Ndi zwithu zwine zwa sa<br />
sokou bvelela. Na vhathu vha dzhenelelaho kha mbulungo ya lushaka ulu, a si<br />
vhanzhi. Vha sumbedzisa uri ndi mbulungo i itwaho nga vhathu vha lushaka.<br />
Khamusi na vhahuru vho zwi pfaho.<br />
Tshiko tsha mafhungo 2 musi vha tshi ḓadzisa zwa tshiko tsho fhelaho vha ri<br />
maine u vha ene ane a sumba hune ḽivhiḓa ḽa ḓo bwiwa hone henefho tsini na<br />
mulambo. Vha vhanna ndi vhone vhane vha bwa dindi iḽo. Muhumbulo<br />
muhulwane wa uri ḽivhiḓa iḽo ḽi bwiwe tsini na mulambo ndi wa u itela uri vha kone<br />
u bwa mugero une wa ḓo bvisa maḓi nga nṱha ha ḽivhiḓa iḽo. Vha ri iyo i vha<br />
shothodzo kha mufu. Tshiṅwe tshithu tshihulwane tshine tsha itisa uri vha<br />
vhulunge muthu uyo tsini na mulambo hune ha vha kule na vhaṅwe ndi tsha uri u<br />
dzhiiwa sa muthu o seṅwaho. Vha tenda kha ḽa uri arali a nga vhulungelwa tsini<br />
na vhaṅwe zwi vha maṱula a vhangaho khombo kha lushaka.<br />
Vha isa phanḓa nga ḽa uri dindi ḽa ṅwana ḽi bwiwa henefho tsini na ḽa mme awe.<br />
Mavhulungelwe awe ha fani na ṅwana ane mme awe u kha ḓi tshila. Zwine zwa<br />
amba uri naho vha tou eḓedza a zwi tsha ḓo amba u ladza ṋowa ya mme awe<br />
ngauri a vha tsha tshila lune vha ḓo tea u wana muṅwe ṅwana. Vhakegulu vha a<br />
ḓi ita mushumo uyo wa mbulungo ya ṅwana ngeno vha kha wa mme awe.<br />
90