You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
lwa vhewa nga fhasi ha hune vha ḓivha uri ḽiḽa tombo ḽi ḓo wela hone. Fhaḽa<br />
nḓuni yo vhewaho itsho tshitumbu hu a valiwa ha dovha ha tou itwa na u tou<br />
shatelwa zwavhuḓi muṋango. Tsini nayo a hu tendelwi muthu na muthihi a tshi<br />
sendela. Tshiṅwe tshifhinga hu a tou vhewa na vhathu vha hu u linda. Fhethu<br />
afho hu dzhiiwa ho khethefhala. Tshitumbu tshi a kona u fhedza miṅwaha miraru<br />
tsho ḓi dzula henefho.<br />
Musi tshiko tsha mafhungo 7 vha tshi ḓadzisa vha ṱahisa ḽa uri nga itsho<br />
tshifhinga vhathu zwavho vha vha vha sa zwi ḓivhi uri mativha o xa. Arali ha vha<br />
na mbudziso vha nga ḓi fhindulwa uri a hu na a ḓivhaho he mavu vha ya hone. A<br />
vho ngo sia vho laedza muthu. Nga murahu ha musi vhathu vho no vhalela uri<br />
tshitumbu tshi nga vha tsho no sina, vha a vha na muhumbulo wa u vhea iṅwe<br />
khosi. Ndi hezwi vha tshi ḓo vula-ha fhaḽa hu re na tshitumbu. Henefho vha wana<br />
marambo fhedzi. Mavulele a hone a itwa nga nḓila ya vhuṱali. Tshihulwane<br />
khavho ndi u ṱoḓou ri uḽa o ambwaho nga mufu a kone u wana vhuhosi hu songo<br />
vhuya ha vha na khakhathi.<br />
Khwaṱhisedzo vha dovha hafhu vha i ṋea musi vha tshi sumbedzisa uri muṋango<br />
uḽa u a shatululwa. Tshitaela tsha u vula tsha vha tsha uri ṅwana muṅwe na<br />
muṅwe u ḓo ḓa a vula vothi iḽo. Arali a balelwa u ḽi vula, u ya nga ha lutendo<br />
lwavho vha sumbedzisa uri o balelwa nga vhuhosi. Maitele ayo a itwa nga ṅwana<br />
muṅwe na muṅwe u swikela vha tshi wana ane a khou tea u vha khosi. Vha isa<br />
phanḓa nga ḽa uri nga ngomu hu vha ho dzhena vhathu vha vhamba vothi uri ḽi<br />
sa vulee. Vha dzhena nga nḓila ya tshidzumbe vha sa vhonali. Arali vothi ḽa vha ḽi<br />
99
Change language