Create successful ePaper yourself
Turn your PDF publications into a flip-book with our unique Google optimized e-Paper software.
4.23 MVALATSWINGA<br />
Kha ngudo iyi, musengulusi o ḓo wanulula uri zwa vhukuma zwifhinga na maitele<br />
zwi a shanduka. Tshanduko dzi ḓiswa nga nṱhani ha nyimele. Musi hu tshi<br />
lavheleswa nḓila ye vhathu vhakale vha vha vha tshi vhulungiswa yone kha<br />
Vhavenḓa, hu wanala uri yo no shanduka ano maḓuvha. Ṱhonifho ye ya vha i<br />
tshi itelwa ṅwana musi o lovha misini ya musalauḽa, ano maḓuvha a i tsha<br />
vhonala. Madzuloni a uri ṅwana a vhulungwe hayani, musi hu khou tevhedzwa<br />
maitele one-one a Vhavenḓa, u wana a tshi vho vhulungwa kule na vhabebi<br />
vhawe. Nahone zwa vho vha zwithu zwi ḓihwaho nga shango ḽoṱhe, ngeno u<br />
mushumo wa vhakegulu.<br />
Tshanduko iyi yo dzhena-vho na kha muṱa wa ha vhuhosini. Tshirunzi tshe tsha<br />
vha tshi hone misanda ya musalauḽa, musalauno tsho no bvulea. Tshidzumbe<br />
tshe tsha vha tshi tshi itwa musi mavu vho dzama, tsho ngala-ngala. Vhasiwana<br />
vha vho ḓivha u ṋenga ha khosi na ḽeneḽo ḓuvha. Hune ha eḓedzwa khosi, hu<br />
vho ḓihwa nga muṅwe na muṅwe na u dzhenwa ha dzhenwa nga vhoṱhe.<br />
Mvelele na ṱhonifho khathihi na tshidzumbe zwo bvulea. Mahosi vha musalauno,<br />
a vha tsha shumiselwa mikumba, vha vho laṱa mvelele vha dzhena dzikereke,<br />
zwa vho ita uri vha vhulungwe lwa tshikereke.<br />
Khuwelelo ine ya nga ya kha lushaka ndi ya uri, zwa mulovha a zwi tou fhela lwa<br />
tshoṱhe lini. Lushaka kha lu lingedze u sa laṱa mvelele yalwo. Zwa u laṱa maitele<br />
a mvelele ya hau, wa nambatela zwigwasha zwa vhaṅwe, ndi u shaya nḓivho ya<br />
167