Create successful ePaper yourself
Turn your PDF publications into a flip-book with our unique Google optimized e-Paper software.
Kha vha musalauno vha vhona nḓila ya u vhulunga nga mukumba na nga<br />
nguvho i tsumbo ya u tou laṱa muthu. Vha vhona e maitele a maimo a fhasi<br />
vhukuma. Fhedzi naho zwo ralo yo vha i yone nḓila i sa ḓuriho.<br />
4.20.3 U fhaṱelwa ha ḽivhiḓa.<br />
Tshiko tsha mafhungo 6 vha ṱahisa fhungo ḽa uri misini ya kale dindi ḽa mufu ḽi<br />
vha ḽo bwiwa nga nḓila ine mufu a ḓo tou tumba kana u dzudzwa. Izwo kanzhi<br />
zwo vha zwi tshi itelwa muthu wa munna. Dindi ḽa hone nga itsho tshifhinga ḽo<br />
vha ḽi sa fhaṱelwi. Tshitumbu tsho vha tshi tshi vhofhelelwa zwavhuḓi nga<br />
bophavhafu uri tshitumbu tshi kone u tumba zwavhuḓi. Mushumo uyo wo vha u<br />
sa ḓureli vhathu ngauri izwo zwo vha zwi sa ṱoḓi masheleni manzhi.<br />
Zwa ano maḓuvha zwo na vha zwiṅwe-vho. Nga ngomu ha ḽivhiḓa hu a fhaṱelwa<br />
nga zwidina u bva fhasi. Mavhiḓa a hone a vho tou nga nnḓu ya u dzula muthu.<br />
Dindi ḽa hone ḽi vha ḽo fhaṱelwa zwavhuḓi lune bogisi ḽi tshi dzhena a ḽi swiki ḽa<br />
dzula kha mavu. Ḽi swika ḽa dzula ho semenndeliwaho zwavhuḓi. Kha maṅwe<br />
mavhiḓa, u wana bogisi ḽi sa kwamiwi nga mavu ngauri nga nṱha haḽo hu mbo<br />
vhetshedzelwa zwavhuḓi mazennge. Ra dovha hafhu ra wana uri kha maṅwe<br />
mavhiḓa a hu sheliwi mavu hu shelwa muṱavha wo ṱanganyiswaho na<br />
semennde. Ngeno kha maṅwe hu tshi fhaṱelwa hune ha ḓo dzula bogisi, ha ya<br />
ha fukedzwa he ḽa seriswa ngaho.<br />
152