Create successful ePaper yourself
Turn your PDF publications into a flip-book with our unique Google optimized e-Paper software.
Arali mufu o ri a tshi lovha ha vha hu na vhathu tsini, vha a kona u mu tiba maṱo<br />
na mulomo zwavhuḓi. Hu ḓi nga na miraḓo yawe vha a kona u i khotha i sa athu<br />
u oma. Vha dovha vha ṱahisa fhungo ḽa uri ndi zwithu zwi konḓaho kha muthu<br />
ane a lovha hu si na vhathu tsini. Miraḓo ya uyo muthu i vha i kha nyimele ine<br />
zwa ḓo vha konḓela uri a kone u fhelela zwavhuḓi ḽivhiḓani. Arali mufu a vha o<br />
no vha kha iyo nyimele, vhanna vha vha vhone vhane vha dzhia mbaḓa vha<br />
remekanya mufu kha zwiendanungo. Vha ri izwo zwi vha zwi khou itelwa uri<br />
mufu a ḓo kona u vha kha nyimele ine a tea u vha khayo musi a tshi vhulungwa.<br />
Zwa u remekanya zwi itwa nga nḓila ya tshidzumbe ngauri arali vhathu vha tou<br />
zwi vhona zwi khou itwa, vha nga ṱhavhea dzimbilu lwa tshoṱhe.<br />
Dindi ḽa wa munna ḽo fhambana na ḽa wa musadzi ngauri wa munna ha tou<br />
eḓedzwa. Ndi ngazwo vha tshi kombetshedzea u mu khotha miraḓo yawe ngauri<br />
u vhulungwa nga nḓila ya u tou tumbiswa kana u tou dzudzwa. Dindi ḽa hone ḽi<br />
bwiwa vhusiku nga dziphele. Vha ṱahisa ḽa uri arali mufu o vha e na zwawe, hu a<br />
ṱhavhiwa kholomo, muhumbulo muhulwane a si wa ṋama, ndi wa u dzhia<br />
mukumba uri u kone u vha yone nguvho ya mufu. Arali mufu o vha a si na<br />
tshawe, u putelwa nga nguvho. Mufu u ya nga ha tshiko itsho vha ri u putelwa<br />
zwavhuḓi lwa tshidele a konou vhofhelelwa zwavhuḓi muvhili woṱhe nga<br />
bophavhafu. Bophavhafu ḽi kona u thusa uri mufu a vhe kha nyimele yavhuḓi<br />
musi a tshi dzheniswa dindini.<br />
Izwo zwi khwaṱhisedzwa-vho nga Stayt (1931:162) musi a tshi ri :<br />
81