Create successful ePaper yourself
Turn your PDF publications into a flip-book with our unique Google optimized e-Paper software.
sumbedzisa uri ndi ḽi bwiwaho nga vhanna nahone na u fhaṱelwa a ḽi fhaṱelwi.<br />
Vha ri arali e muthu we a vha e na zwawe, o vha a tshi vhulungwa nga<br />
mukumba. Izwo zwa mbo sumbedza ṱhonifho kha mufu. Hone-ha, arali mufu o<br />
vha e si na tshithu, u vhulungwa nga nguvho.<br />
Vha isa phanḓa nga ḽa uri mbulungo ya hone yo vha i sa lengi u itwa ngauri<br />
mufu o vha a sa iswi motsharani. Mbulungo ya hone ndi i farwaho nga<br />
maṱavhelo kana nga mathabama. Vhathu vha dzhenelelesaho nga maanḓa kha<br />
fhungo ḽa mbulungo ho vha hu vhathu vha tshinnani. U ya nga ha holu lushaka,<br />
vha tenda kha ḽa uri nga murahu ha lufu hu kha ḓi vha na vhuṅwe vhutshilo.<br />
Izwo zwa mbo ḓadziswa nga Soga (1931: 318) musi a tshi ri:<br />
Death to the Xhosa does not indeed mean extinction. The soul<br />
lives on, continuity of the family is preserved, the spirit of the<br />
departed has direct communication with the living, the living<br />
ministers to the wants of those who have gone before.<br />
Izwo zwa mbo tikedza tshoṱhe fhungo ḽa uri vhunzhi ha tshaka dza Afurika, dzi<br />
tenda kha ḽa uri musi muthu a tshi ṱuwa kha ḽa vha tshilaho, hu vha hu kha ḓi<br />
vha na vhuṅwe vhutshilo vhune ha ḓi fana na he a vha e khaho. Hu tou vha<br />
uri ene u ḓo vha a tshi vho tshila na vha si tsha fanaho na vhaḽa vha tshilaho. U<br />
vha o ya kha shango ḽa vhadzimu. Khae na kha vho salaho, hu vha hu kha ḓi<br />
vha na vhuṱumani vhuhulu. Vho salaho vha mu dzhia e ene mutsireledzi<br />
wavho. Zwithu zwa naka kana zwa vhifha u ya nga ha lutendo lwa vhathu,<br />
vha humbulela vho ṱuwaho.<br />
51