You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>NDIMA</strong> <strong>YA</strong> 2<br />
2 MBULUNGO HO LAVHELESWA KHA DZIṄWE TSHAKA ḼIFHASINI.<br />
2.1 MARANGAPHANḒA<br />
Musengulusi musi a sa athu u dzhena tshoṱhe kha tsenguluso iyi, u ḓo thoma<br />
zwawe nga u sumbedzisa zwine vhanwe vhaṅwali vha amba nga ha mbulungo<br />
dza tshaka dzoṱhe. Hu ḓo lavheleswa na kha fhungo ḽa uri na hone mbulungo ndi<br />
mini, ndi ngani hu tshi vhulungiwa, tshaka dza mbulungo, fhethu hune vhathu<br />
avho vha tea u vhulungwa hone na zwifhinga zwine zwa shumiswa kha u u fara<br />
mbulungo. Musengulusi a ḓo dovha hafhu a lavhelesa kha fhungo ḽa uri ndi<br />
vhafhio vhane vha tea u dzhenelela kha sia la mbulungo na vha sa teiho<br />
ndi vhafhio.<br />
2.1.1 Mbulungo ndi mini<br />
U ya nga ha tshiko tsha mafhungo 2 vha sumbedzisa uri mbulungo ndi nḓila ine<br />
ra londota ngayo mufu. Musi hu tshi londotwa mufu, hu dovha hafhu ha<br />
sumbedzwa–vho na ṱhonifho khazwo. Vha isa phanḓa nga ḽa uri, musi muthu a<br />
khou londota tshithu u vha a khou itiswa nga lufuno lune a vha nalwo kha<br />
tshenetsho tshithu. Zwithu zwa hone zwi itwa nga nḓila ya u tou toolola nahone<br />
nga vhuronwane. Vha dovha hafhu vha sumbedzisa uri tshilondotwa tshi farwa<br />
nga nḓila yavhuḓi. Vha dovha vha ḓadziswa nga tshiko tsha mafhungo 7 vhane<br />
vhone vha tshi amba vhe u vhulunga ndi nḓila ya u dzumba tshithu.<br />
24
Change language