You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
4.11 U VHEWA HA MAḒI KHORONI A U SHASHIWA NGA MURAHU HA<br />
MBULUNGO<br />
Misini ya kale u ya nga ha tshiko 5 vha ri arali ho lovha muthu muḓini, nga<br />
murahu ha mbulungo hu a vha na dongo ḽo ḓalaho maḓi o ṱanganyiswaho na<br />
mindaandane ya maine ḽine ḽa vhewa khoroni kana henefho tsininyana na muṱa.<br />
Maḓi ayo a shumiswa kha u shasha vhathu kha phanḓa, kha mutsinga, kha<br />
khana, nnḓa na ngomu ha zwanḓa, na nṱha na fhasi ha lwayo. Zwithu izwo zwi<br />
itwa lwa maḓuvhanyana kha vhathu vha ḓaho u imela. Tshifhinga tshine zwa<br />
itiwa ngatsho ndi nga matsheloni. Tshi shumiswaho kha u ita izwo zwithu ndi<br />
bophavhafu ḽo kanḓiwa zwavhuḓi nga phanḓa haḽo. Nga murahu vhathu vha a<br />
gumiswa muuluso. Uyo muuluso u pfi ndi wa mafa.<br />
U ya nga havho, vha ri kha Vhavenḓa, vha vha na lutendo lwa uri zwo raloho<br />
arali zwa sa itwa hu bvelela khombo. Kha vha musalauno fhungo ḽo raloho ḽi vha<br />
tshikhukhulisi tshihulwane vhukuma. Vhathu a vha zwi ṱanganedzi na luthihi. Zwa<br />
u sokou hashwa muvhili nga maḓi a songo kunaho a vha anḓani nazwo. A vha<br />
tendi u sokou ḽa mishonga ine vha sa ḓivhe uri yo itwa nga mini. Zwoṱhe izwo<br />
vha zwi dzhia zwi vhutendatenda vhu si na vhumatshelo khaho. Izwo zwi vhanga<br />
dziphambano vhukati ha vhathu vha musalauno na vha musalauḽa.<br />
135