You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Hezwi ndi zwine zwa itiwa u ya nga ha mvelele ya Vhavenḓa fhedzi u wana<br />
vhafunzi vhanzhi vha sa tendelani nazwo. Arali zwa kombetshedzwa uri zwi vhe<br />
hone, vhaṅwe vhafunzi vha a litsha mushumo woṱhe wa mbulungo vha ṱuwa. Hu<br />
do vha hafhu ha vha na thaidzo khulu kha mashaka musi vha tshi hanelwa u<br />
vhea mbeu, zwidudu, zwiselo, misi, zwitemba, ndilo kana ndongwana nṱha ha<br />
ḽivhiḓa. Tshiko tsha mafhungo 4 vha ri sa izwi vhathu vha na lutendo lwa uri hu<br />
kha ḓivha na vhuṅwe vhutshilo nga murahu ha mbulungo, mufu u ḓo shumisa<br />
izwo zwithu phanḓa. Ri dovha ra wana phambano i tshi engelela musi vhaṋe vha<br />
mufu vha tshi tama u vhea muswoswo kana mutshetshete nṱha ha ḽivhiḓa.<br />
Vhavenḓa vha tenda kha ḽa uri miri iyo i thusa u ṋea mufu murunzi. Tshiko tsha<br />
mafhungo tshi tshi ya phanḓa tshi amba uri musi tshifhinga tshi tshi swika tsha<br />
uri maṱari a ome, i vha yone tsumbo ya uri mufu o ṱhaphudza lwendo lwawe. Vha<br />
ri hezwi zwi vha zwi tshi khou amba uri tshiila tsho guma.<br />
Nga murahu ha mbulungo vhathu vha a kunakiswa u shavhisa khombo dzine dza<br />
nga vha hone nga murahu ha u kwama tshitumbu. Vhathu vha a ṱamba zwanḓa<br />
khoroni ho vhewa maḓi kana vha ya mulamboni u ṱamba hone. Vha tshi vhuya<br />
ha vhasiwa mulilo khoroni sa tsumbo ya u thoma vhutshilo vhuswa.<br />
Izwi ri wana zwi tsh khwaṱhisedzwa vho nga Stayt (1931:164) musi a tshi ri : “The<br />
burial party go through special purificatory ritual to clear themselves from<br />
defilement and danger of the contact with the corpse.”<br />
14
Change language