Create successful ePaper yourself
Turn your PDF publications into a flip-book with our unique Google optimized e-Paper software.
4.12 U BVISWA HA ṰHANGU NGA MURAHU HA MBULUNGO.<br />
Nga mvelele ya Vhavenḓa arali muthu o vha a tshi ri u lovha, vha vhona zwi zwa<br />
ndeme uri nga murahu ha mbulungo hu yiwe ha maine vha vhonise tsho ḽaho<br />
mufu. Izwo vha zwi itiswa ngauri vha vha vha na lutendo lwa uri muthu ha sokou<br />
lovha. Arali muthu a lovha u vha o tou loiwa. Izwo ndi u ya nga ha lutendo<br />
lwavho. Tshiko tsha mafhungo 6 vha sumbedzisa uri naho muloi wa hone hu si<br />
na tshine vha nga mu ita tshone, vhathu vha vha na dzangalelo ḽa u ṱoḓou mu<br />
ḓivha. Uri vha mu ḓivhe, vha tou bvisa ṱhangu.<br />
Vha isa phanḓa nga ḽa uri arali ṱhangu dza sa bva muḓini hu vha na maṱula<br />
manzhi ane a bvelela. U nga wana vhaṅwe vha tshi fhelelwa nga mishumo,<br />
vhaṅwe vha tshi sokou lwala, dzinndwa dzi tshi vha hone muṱani na zwiṅwe<br />
zwinzhi-zwinzhi. Vha ri musi vhathu vhahulwane vha tshi ndo tshimbila, vha pfa<br />
zwauri hu na zwi songo dzudzanywaho zwavhuḓi henefho muṱani. Nga vhone<br />
vhaṋe vha vho ḓo kona u zwi humbulela uri ndi uḽa a songo bviselwaho ṱhangu.<br />
Kha murafho wa ano maḓuvha, fhungo ḽa u ṱoḓa u vhonisa tsho ḽaho muthu a<br />
vha ḽi dzhieli nṱha. Vha tenda kha ḽa uri muthu arali o lovha, vhutshilo hawe<br />
Mudzimu o vha o vhu gumisa henefho. Muthu u lovha ngauri tshifhinga tshawe<br />
tsha vha tsho swika. Kha iḽo ḽa u ya u vhonisa, vha ri ndi matambavhana. Vhathu<br />
vha sokou fhedza tshelede nga u fha muṅwe munna a tshi ḽa na vhana vhawe.<br />
Musi tshiko tsha mafhungo 10 tshi tshi ḓadzisa vha sumbedzisa uri musalauno<br />
136